यॊहनस 2:19 - पुना गच्छरना NT (BSI)

¹⁹ येसुस आनाकिर्ताचस, “ई धर्मेसी मन्दिर आबोन धंस'आ चि'आ, ऎन इदन तीन उल्‍ला नू कम'ओन चि'ओन।”

यॊहनस 2:19 ပူးပေါင်းရင်းမြစ်များ

मत्तायोस 12:40

यॊनास एकासे तीन उल्‍ला माख़ा कोहाँ इंजो ही कूल नू रहचस, अन्नेम मनवा ख़द्दन ऎन तीन उल्‍ला माख़ा ख़ॆख़ेल भितरी र'ओन।

मत्तायोस 16:21

आ बेडा ती येसुस तंग्‍है चेलारिन तेंगा हेलरस का “एंगा गे येरुसलॆम काना दिम मनो, अइय्या यहूदी सेयान आलर अरा मुध नैगर अरा नॆग सिखाब'उर ती अजम खिलपत मन्ना मनो अरा पिटतार'ओन, लिकिन ऎन तीन उल्‍ला ख़ॊख़ा उज्‍जा चॊर'ओन।”

मत्तायोस 27:40

आर एन्ने ब'आलियर, “नीन, धर्मेसी मन्दिर आबोन धस'ऊ अरा तीन उल्‍ला नू कम'ऊ। नीन धर्मेसी ख़द्दय होले क्रुस म‍इय्‍याँ ती एत्ता अरा निंगन बछाब'आ।”

मत्तायोस 27:63

“अना बॆलायो, एमा सुरता र'ई का आ भुरइउस उज्‍जालियस ख़ने, बाचकाचस, ‘ऎन तीन उल्‍ला ख़ॊख़ा उज्‍जा चो'ओन।’

मरकुस 14:58

“ऎम ईसिन एन्ने ब'अना मेंजका र'अदम, ‘ऎन आलर ती कमचका ई धर्मेसी मन्दिर आबोन धस'ओन चि'ओन, अरा तीन उल्‍ला नू ऎन नन्ना कम'ओन, आद आलर ही ख़ेक्खा ती कमरका मल र'ओ’।”

मरकुस 15:29

डहरे नू कालू बर'ऊ आलर भेंसड़'आ लगियर। अरा तम्‍‍है कुक्‍कन नुक'अरकी एन्ने ब'आलियर, “नीन, धर्मेसी मन्दिर आबोन धस'ऊ अरा तीन उल्‍ला नू कम'ऊ।

मरकुस 8:31

ख़ने येसुस चेलारिन तेंगा हेलरस का “चाड़ र'ई मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तीन उल्‍ला ख़ॊख़ा उज्‍जा चॊर'ओन।”

यॊहनस 11:25

येसुस अदिन बाचस, “ऎनिम आलारिन उज्‍जा चॊदत'अदन अरा आर गे जनमजुग उज्‍जनन चि'अदन। नॆ एंग्‍है मइय्‍याँ पत्त'अदस आस खे'ओस क'ओस अन्नु हूँ उज्‍जोस।

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 3:26

धर्मेस निमन ओर्मारिन निम्‍है मलदौ नलख ती किर्त'आ गे अरा बरकत नना गे आस तंग्‍है जॊंख़स येसुसिन इजताचस ती निम्‍है गुसन मुन्‍द त‍इय्यस।”

त‍इरकर 6:14

अरा ऎम गा ईसी एन्ने ब'अनन मेंजकम का नासरेत ता येसुस ई अड्डन नठाब'ओस अरा मूसस नमा चिच्का चाल गुट्ठिन बदल'ओस चि'ओस।”

रोमी 4:24

नम्है फैदा गे हूँ लिख्रकी र'ई। नाम हूँ उजगो लेखर'ओत, एन्‍देरगेका नॆ नम्‍है उर्बस येसु मसीसिन केच्‍कर ती उज्‍जताचस आसिन असरा नन्‍दत।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 कोरिन्‍थ 15:12

अन्नु हूँ मसीस केचका ती उज्‍जा चॊचस एन्ने तेंगतार'ई होले, निम्‍है मधेर ती जोक्‍कोर केच्‍चकर ही उज्‍जा चो'अना मलकी एन्ने एकासे ब'आ ओंग्दर?

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।