यॊहनस 2:18 - पुना गच्छरना NT (BSI)

¹⁸ ख़ने यहूदी मुद्धर येसुसिन मेंजर, “इबड़ा कत्‍थन नीन नना गे निंगा एन्‍देर अदिया र'ई? निंगा इदगे धर्मेस ती अदिया र'ई होले, इदन पुरुब नना गे एमा ओन्‍टा अजगुत नलख ही चिन्‍हा ऎद'आ।”

यॊहनस 2:18 ပူးပေါင်းရင်းမြစ်များ

मत्तायोस 21:23

तहाँ आस धर्मेसी मन्दिर नू केरस ती सिखाब'आ लगियस ख़ने, मुध नैगर अरा सेयान आलर आसी गुसन बरचर ती आसिन मेंजर, “नीन इबड़ा नलखन नॆखा आकुस ती ननालदय? अरा निंगा इबड़न नन्ना ही आकुस नॆ चिच्‍चा?”

मरकुस 8:11

असन जोक्‍क फरिसीर येसुस गुसन बर'अरकी कत्‍था बरता नना हेलरर। अरा आसिन बझाब'आ गे मेर्ख़ा ती इन्द्रिइम अकबक नलख ही चिन्‍हा नॆचर।

लू‍कस 11:29

एकाबारी गोंहड़ा अउर ख़ॊंड़र'आ लगिया, ख़ने येसुस ब'आ हेलरस, “ई बेड़ा ता आलर मलदौ हिकनर। आर चिन्‍हा बेद्दनर, लिकिन धर्मेसी कत्‍था तिंगू यॊनासी उज्‍जना नू मंजका अकबक नलखन अम्‍बरकी आर गे नन्ना एन्‍देर चिन्‍हा हूँ मल चितार'ओ।

यॊहनस 1:19

येरुसलॆम ता यहूदीर नैगारिन अरा लेवी गोतोर ता आलारिन “नीन एका ओर्तय?” एन्ने मेना गे यॊहनस गुसन त‍इय्यर।

यॊहनस 1:25

“नीन मसीस मलदय, महले एलियस मलदय, महले बर'ऊ र'अदस आ धर्मेसी कत्‍था तिंगू मलदय होले, नीन एन्‍देरगे आलारिन नॊड़रत'अदय?”

यॊहनस 6:30

ख़ने आ आलर आसिन मेंजर, “होले नीन एमा एका अजगुत नलख ही चिन्‍हन ऎद'ओय का अदिन ऎम ऎरोम ती निंगन पत्त'आ ओंग्‍दम? नीन एन्‍देर ननोय?

त‍इरकर 4:7

आर पतरस अरा यॊहनसिन मझी नू इजताचर ती इबड़ा कत्‍थ‍न मेना हेलरर, “नीम एका सवंग ती मलता एका नामे ती ई नलख आबोन नंजकर?”

त‍इरकर 5:28

“ऎम निमन चेताबाचकम ती पॆसका मल चिच्‍चकम का ई नामे ती अमके सिखाब'आ? अन्नु हूँ नीम गोट्‍टा येरुसलॆम ता उर्मी आलारिन आसी पत्त नू तिंकर चिच्‍चकर। अरा आसी पिटका ही बदी एम्‍है म‍इय्याँ नना लगदर।”