यॊहनस 2:16 - पुना गच्छरना NT (BSI)

¹⁶ अरा पेरवाँ गुट्ठी बीसुरिन बाचस, “इबड़न इसले हो'आ, एम्बासी एड़पन ख़ीन्‍दू-पिटू अड्डा अमा कम'आ।”

यॊहनस 2:16 ပူးပေါင်းရင်းမြစ်များ

मत्तायोस 21:12

येसुस धर्मेसी मन्दिर चाली नू कोर्चस। असन आलर दाँड़े नन्ना ही मेक्‍खोन ख़ॆंदा पिटालियर। ख़ने येसुस आरिन अइय्या ती बहरी ओथ्रस अरा रोम राजी ता ढिबन धर्मेसी मन्दिर ही ढिबा नू बदलुर ही कं‍डोन, अरा पेरवाँ बीसुर ही मचियन हूँ बिड़दाचस चिच्‍चस।

मत्तायोस 21:13

अरा आस बाचस, “नेम्हा पुथी नू ईद एन्ने लिख्रकी र'ई का, ‘एंग्‍है मने र'ई का एंग्‍है एड़पन एंगन ओहमा नन्ना अरा बिन्‍ती नन्ना ही एड़पा ब'ओर।’ लिकिन नीम इदिन डाकुर ही अड्डा कमचका चिच्कादर।”

मत्तायोस 22:5

लिकिन आर तुस्‍सियर अरा तम्‍है तम्‍है नलख गे केरर। ओर्तोस ख़ल्‍ल गे अरा नन्नस ख़ॆंदा पिटा गे किर्रिम बिच्‍चियर।

मरकुस 11:17

तहाँ आस अबड़ा आलारिन सिखाबाचस, अरा बाचस, “नेम्हा पुथी नू ईद एन्ने लिख्रकी र'ई का, ‘एंग्‍है मने र'ई का एंग्‍है एड़पन उर्मी जातियर एंगन ओहमा नन्ना अरा बिन्‍ती नन्ना ही एड़पा ब'ओर।’ लिकिन नीम इदिन डाकुर ही अड्डा कमचका चिच्कादर।”

लू‍कस 2:49

येसुस आरिन बाचस, “नीम एंगन एन्‍देरगे बेद्दालिक्‍कर? नीम बल्‍दर का एंगा एम्‍बासी एड़पा नू र'अना दिम र'ई?”

यॊहनस 10:29

एम्‍बस नॆ इबड़न एंगा चिच्‍चकादस, आस ओर्मर ती कोहाँ र'अस। अरा अबड़न नॆ हूँ एम्‍बासी ख़ेक्खा ती बच्‍चा पोलदस।

यॊहनस 2:15

ख़ने आस ऎप ही कोर्रा कमचस ती भेंडो अरा अड्डो गुट्ठी गने उर्मिन धर्मेसी मन्दिर ही चाली ती बहरी ओथ्रस चिच्‍चस। अरा रोमी राजी ही ढिबन धर्मेसी मन्दिर ही ढिबा नू बदलना आलर ही ढिबा गुट्ठिन छिरयाचस चिच्‍चस, अरा आर ही कंडो गुट्ठिन बिड़दाचस चिच्‍चस।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

यॊहनस 5:17

लिकिन येसुस आरिन बाचस, “एम्‍बस इन्ना गूटी बिगर ख़न्न ऎख़्रका ती नलख नना लग‍दस, अरा ऎन हूँ नलख नना लगदन।”

यॊहनस 8:49

ख़ने येसुस बाचस, “ऎन नाद ती रस्‍का आलन मलदन। ऎन एम्‍बासिन म‍ईन नन्‍दन, लिकिन नीम एंगन हींड़दर।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।