यॊहनस 2:14 - पुना गच्छरना NT (BSI)

¹⁴ अरा आस धर्मेसी मन्दिर ही चाली नू दाँड़े गुट्ठी गे अड्डो, भेंडो, अरा पेरवाँ गुट्ठिन बीसू आलारिन अरा रोमी राजी ता ढिबन धर्मेसी मन्दिर ही ढिबा नू बदलना आलारिन उक्‍का ईरियस।

यॊहनस 2:14 ပူးပေါင်းရင်းမြစ်များ

मरकुस 11:15

येसुस अरा आसी चेलर येरुसलॆम किर्रियर ती आस धर्मेसी मन्दिर चाली नू कोरचस। असन आलर दाँड़े नन्ना ही मेक्‍खोन ख़ॆंदा पिटालियर। ख़ने येसुस आरिन अइय्या ती बहरी ओथ्र'आ हेलरस। अरा रोम राजी ता ढिबन धर्मेसी मन्दिर ही ढिबा नू बदलुर ही कं‍डोन, अरा पेरवाँ बीसुर ही मचियन हूँ बिड़दाचस चिच्‍चस।

मरकुस 11:17

तहाँ आस अबड़ा आलारिन सिखाबाचस, अरा बाचस, “नेम्हा पुथी नू ईद एन्ने लिख्रकी र'ई का, ‘एंग्‍है मने र'ई का एंग्‍है एड़पन उर्मी जातियर एंगन ओहमा नन्ना अरा बिन्‍ती नन्ना ही एड़पा ब'ओर।’ लिकिन नीम इदिन डाकुर ही अड्डा कमचका चिच्कादर।”

यॊहनस 2:15

ख़ने आस ऎप ही कोर्रा कमचस ती भेंडो अरा अड्डो गुट्ठी गने उर्मिन धर्मेसी मन्दिर ही चाली ती बहरी ओथ्रस चिच्‍चस। अरा रोमी राजी ही ढिबन धर्मेसी मन्दिर ही ढिबा नू बदलना आलर ही ढिबा गुट्ठिन छिरयाचस चिच्‍चस, अरा आर ही कंडो गुट्ठिन बिड़दाचस चिच्‍चस।