यॊहनस 19:9 - पुना गच्छरना NT (BSI)

⁹ अरा आस येसुसिन होच्‍चस ती अउरिम गढ़िया भितरी कोरचस ती येसुसिन मेंजस, “नीन एस्‍तेक बरचका र'अदय?” लिकिन येसुस एन्‍देर हूँ मल आनाकिर्ताचस।

यॊहनस 19:9 ပူးပေါင်းရင်းမြစ်များ

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

मत्तायोस 27:27

ख़ने राजीख़ापुसी सैनर येसुसिन प्रिटोरिओन बारना गढ़िया ही भितरी चाली नू होच्‍चर केरर। अरा आर असन आसी मुन्‍दहारे उर्मी फ‍उदन ख़ॊंड़चर।

लू‍कस 23:9

आस आसिन अजम कत्‍थन मेंजस, लिकिन येसुस एन्‍देर हूँ आना मल किर्ताचस।

यॊहनस 18:28

फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

यॊहनस 18:33

ख़ने पिलातुस गढ़िया भितरी केरस अरा येसुसिन मीख़ियस ती आसिन मेंजस, “नीन यहूदीर ही बॆलय का?”

यॊहनस 18:34

येसुस मेंजस, “नीन ई कत्‍थन निंग्‍है ती मेन्‍दय का, महले नन्‍नर एंग्‍है पत्त नू निंग्‍है गुसन तिंगियर का?”

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 19:10

ख़ने पिलातुस आसिन बाचस, “एन्‍देरगे नीन एंग्‍है गने मल कछनख्रदय? नीन बलदय का एंगा निंगन अम्‍बा गे हूँ अरा क्रुस नू ठोक'आ गे हूँ अदिया र'ई?”

यॊहनस 19:8

पिलातुस इदिन मेंजस ख़ने, अउर कोड़हे इल्‍चियस केरस।

यॊहनस 8:14

ख़ने येसुस आरिन बाचस, “ऎन ऎनिम एंग्‍है पत्त नू गोवाह चिच्‍चकन, अन्नु हूँ एंग्‍है गोवाह मानिम र'ई, एन्‍देरगेका ऎन एस्‍ते बरचकन‍ अरा एसन कादन ऎन अदिन अख़दन। लिकिन नीम बलदर का ऎन एस्‍ते बरचकन महले एसन कादन।

फिलिप्‍पी 1:28

अरा ऎन अख़दन का, एकअम कत्‍था नू हूँ निम्है बिड़दो र'उर ती नीम मल एल्‍चदर। ईद आर गे नठारना ही चिन्‍हा हवे, लिकिन निमा गे गा नाड़रनन ख़क्खा गे चिन्हा हवे। अरा ईद धर्मेस तरती मनो।