यॊहनस 19:6 - पुना गच्छरना NT (BSI)

⁶ मुध नैगर अरा धर्मेसी मन्दिर ख़ापू सैनर आसिन ईरियर ख़ने, आर चिच्चियारनुम बाचर, “ईसिन क्रुस नू ठोक'आ, ईसिन क्रुस नू ठोक'आ।” ख़ने पिलातुस आरिन बाचस, “नीमिम ईसिन हो'आ ती क्रुस नू ठोक'आ। लिकिन ऎन गा ईसी मइय्याँ एन्‍द्रा हूँ बदी मल ख़क्‍खदन।”

यॊहनस 19:6 ပူးပေါင်းရင်းမြစ်များ

मत्तायोस 26:58

लिकिन पतरस गेच्‍छा ती येसुसी ख़ॊख़ा ख़ॊख़ा कोहाँ नैगासी चाली गूटी केरस। अरा भितरी केरस ती एन्‍देर मनो अदिन ऎरा गे धर्मेसी मन्दिर ख़ा‍पुर गने उक्‍कियस।

मत्तायोस 27:22

पिलातुस आरिन अउरिम मेंजस, “होले येसुसिन, नॆ मसी बारदस, एन्‍देर ननोन?” ओर्मर बाचर, “ईसिन क्रुस नू ठोक'आ।”

मत्तायोस 27:24

पिलातुस ईरियस का गोंहड़ा ही चिच्‍चियारना मल मड़'आ लगी, अरा आस एन्द्रा हूँ इदही पत्त नू नना पुल्‍लियस। अरा आस अम्मु नॆचस ती गोंहड़ा ही मुन्‍दहारे ख़ेक्खा नॊंढरस ती बाचस, “ऎन ई उजगो आलासी खे'अन‍ ही बदी ती बछ्रदन, निम्‍है म‍इय्याँ दिम ईद मनो।”

लू‍कस 23:4

ख़ने पिलातुस मुध नैगर अरा गोंहड़ा ती बाचस, “ऎन ई आलस म‍इय्याँ इन्द्रिइम दोस मल ख़क्‍खदन।”

यॊहनस 18:3

ख़ने यूदस ओन्‍टा रोमी सैनर ही फउद अरा मुध नैगर अरा फरिसीर तरती तइय्‍का धर्मेसी मन्दिर ख़ापू सैनर गने आ बटकी नू बरचस। आर होरा, कन्डेल अरा लड़‍ई ही कमहड़ गुट्ठिन ओन्‍द्रर ती बरचर।

यॊहनस 18:31

ख़ने पिलातुस आरिन बाचस, “नीम ईसिन हो'आ अरा निम्‍है नॆग लेक्‍खा नीमिम नेंवई नना।” यहूदीर बाचर, “एमा नॆख'आ हूँ जिया पिटना ही अदिया मल्‍ला।”

यॊहनस 18:38

पिलातुस आसिन बाचस, “मानिम एन्‍देर हवे?” आस एन्ने बाचस ती अउर हूँ बहरी यहूदीर गुसन केरस ती आरिन बाचस, “ऎन गा आसी मइय्याँ एन्‍देर हूँ बदी मल ख़क्‍खदन।

यॊहनस 19:15

लिकिन आर गा चिच्चियारर, “ईसिन पिटा चि'आ! ईसिन पिटा चि'आ! ईसिन क्रुस नू ठोक'आ।” पिलातुस आरिन मेंजस, “ऎन निम्‍है बॆलासिन क्रुस नू ठोक'ओन का?” ख़ने मुध नैगर आनाकिर्ताचर, “कैसरसिन अम्‍बरकी एमा गे नन्‍ना बॆलस नॆ हूँ मलकर।”

यॊहनस 19:4

पिलातुस अउरिम गढ़िया ती बहरी बरचस ती आरिन बाचस, “ऎरा, ऎन आसिन निम्‍है गुसन ओन्‍द्रदन का, नीम अख़'ओर का ऎन आसी मइय्याँ एन्‍देर बदी हूँ मल ख़क्खकन।”

त‍इरकर 2:23

धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।