यॊहनस 19:39 - पुना गच्छरना NT (BSI)

³⁹ निकोदॆमोस हूँ आस गने केरस। ईस गा मुन्‍द ओंग्‍होल माख़ा बारी येसुस गुसन भेंट नना गे केरका रहचस। ईस मलागूटी पैंतीस किलो मेसाबाचका गन्‍धरस अरा मुरभा ओन्‍‍द्रस बरचस।

यॊहनस 19:39 ပူးပေါင်းရင်းမြစ်များ

मत्तायोस 12:20

आस लट'ई मंजका जिन्‍तो लट्टिन मल एस'ओस महले कुहड़ारना बिल्‍लिन मल तेभ'ओस। अरा आस नेंव‍ई आबोन जितना गूटी कड़हाब'ओस।

मत्तायोस 19:30

लिकिन अजम आलर नॆ अक्‍कु कोहाँ पद नू र'अनर, आर बरना उल्‍ला नू उर्मी ती किइय्‍या पद मनोर क'ओर। अरा अजम आलर नॆ अक्‍कु उर्मी ती किइय्‍या पद नू र'अनर, आर बरना उल्‍ला नू कोहाँ पद मनोर क'ओर।

मत्तायोस 2:11

अरा आ एड़पा नू कोरचर ती ख़द्दासिन तंग्यो मरियम गने ईरयर अरा मुलख़र‍र ती आसिन ऒड़ लग्‍गियर अरा तंम्‍है खुर्जी बकसन तिसगर ती सोना, लोबान अरा गन्‍धरस आस गे दान नंजर।

मरकुस 16:1

ख़न्न ऎख़ना उल्‍ला मुं‍जरा, ख़ने मरियम मगदलेनी अरा याकॊबसी तंग्‍यो मरियम अरा सलोमी गमगमरना इसुंग अरा गमगमरना जिनिस ख़ीन्‍दियर। इदगे का आर कालरकी येसुसी मॆद नू नलभा ओंगोर।

यॊहनस 12:3

फेन मरियम अधा लिटर नगदे दाम ही जटामासी ही अर्रगा गमगमरना इसुंगन ओन्‍द्रा ती येसुसी ख़ेड्डे नू ख़स्‍सिया, अरा आसी ख़ेड्डेन तंग्‍है चुट्टी ती चींचया। अरा इसुंग ही महकारना गोट्टा एड़पा नू निंदिया केरा।

यॊहनस 12:7

ख़ने येसुस बाचस, “अदिन अम्‍बा चि'आ, अमा थोकबोकामब'आ, आद अदिन एंग्‍है माड़ना उल्‍ला गे उइय्‍की रहचा।