34 लिकिन सैनर ती ओर्तोस आसी पंजरन बरछी ती जोबचस, ख़ने लॆम ख़ॆंस अरा अम्मु उरखा।
नन्ना उल्ला ख़न्न ऎख़्रना उल्ला रहचा, औंगे मुध नैगर अरा फरिसीर पिलातुस गुसन केरर ती बाचर,
लिकिन आर येसुस गुसन बरचर ती ईरियर ख़ने, आस केचका रहचस। ख़ने आर आसी ख़ेड्डे गुट्ठिन मल एस्सर।
अरा आस इदन बाचस ती तंग्है ख़ेक्खन अरा पंजरन आर गे ऎदस। ख़ने उर्बासिन ईरियर ती चेलर रिझ्र'आ हेलरर।
अक्कु एन्देरगे दिरी नन्दय? चो'आ नॊड़र'आ, अरा आसी नामे ती गोहरारना ती निंग्है पाप गुट्ठिन नॊड़ा चि'आ।’
आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्हा कमदस, अरा आस नमन पाप ती अम्बत'अदस।
निम्है नू जोक्कोर एन्नेम रहचर, लिकिन नीम उर्बस येसु मसीसी नामे ती अरा नम्है धर्मेसी बॊलतस ती नॊड़रकर अरा नेम्हा मंजकर अरा उजगो मंजकर।
मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,
आस तान तंगन नमा चिच्चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।
बोकड़ा गुट्ठी अरा बछा गुट्ठी ही ख़ॆस अरा बछिया ही चिंदी आबोन चाल ही सोतरा आलर गुट्ठी मइय्याँ छिंछड़'अना आरिन सुध ननी।
मानी गा, मूसासी नॆग ही लेक्खा मलागूटी उर्मी जिनिस ख़ॆंस ती सुध मन्तार'ई, अरा बेगर ख़ॆंस चूरख़का पाप ही अम्बरना मलकी।
ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्जा चो'अना ही चड्डे निमा गे नाड़रना ख़क्ख्रकी र'ई।
येसु मसीस अम्मु नू नॊड़रस ती अरा क्रुस नू तंग्है ख़ॆंसन बहाबाचका ती धर्मेसी ख़द्दस एन्ने दहदर मन्तारस। अम्मु ती लेका मला लिकिन अम्मु अरा ख़ॆंस ती आस दहदर मन्तारस। ईद मानिम एन्ने नेम्हा बॊलतस हूँ गोवाह चि'अदस, एन्देरगेका बॊलतस सगरो मानिमन ब'अदस।
नेम्हा बॊलतस, अरा अम्मु, अरा ख़ॆंस इबड़ा तिनियों ओन्टेम गोवाहन चि'ई।
अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्हा नंजस ती नमन तंग्है ख़ॆंस ती नम्है पाप गुट्ठी ती नाड़ियस।
ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।