यॊहनस 19:20 - पुना गच्छरना NT (BSI)

²⁰ ई दोस चिठी इब्रानी, लतीन अरा युनानी भखा नू लिख्रकी रहचा। अरा येसुसिन क्रुस नू ठोकचका अड्डा नगरे ती हेद्देम रहचा, औंगे बग्‍गे यहूदीर ई चिठिन पढ़चर।

यॊहनस 19:20 ပူးပေါင်းရင်းမြစ်များ

लू‍कस 23:38

अरा दोस चिठी हूँ आसी म‍इय्‍याँ क्रुस नू लिख्रकी रहचा का “ईस यहूदीर ही बॆलस हिकदस।”

यॊहनस 19:13

पिलातुस इबड़ा कत्‍थन मेंजस ख़ने, येसुसिन बहरी ओन्‍द्रस ती आस नेंवई नन्‍ना गदिया नू उक्‍कियस। आद पखना ती कमचका चौरा नू रहचा, ई चौरा इब्रानी भखा नू “गब्‍बता” बार'ई।

यॊहनस 19:42

अरा आर येसुसी मॆदन अइय्यम उइय्यर, एन्‍देरगेका ईद यहूदीर ही ख़न्‍न ऎख़्रना उल्‍ला ही सराजमा ही उल्‍ला रहचा अरा आ मसड़ा हूँ हेद्देम रहचा।

यॊहनस 5:2

येरुसलॆम नू भेन्‍ड़ो बकड़े गुसन ओन्‍टा पोखारी रहचा, अदिन इब्रानी भखा नू “बॆतसता” ब'अनर। अदही ओनबेंड़र'आ पाँच गोटा झला रहचा।

त‍इरकर 21:37

सैनर पौलुसिन फउद गढ़िया नू हू'ऊ रहचर ख़ने, पौलुस फउद उर्बासिन बाचस, “ऎन निंगन इन्द्रिइम ब'आ ओंग्दन का?” ख़ने आस बाचस, “एन्‍देर नीन युनानी भखा अख़दय का?

त‍इरकर 21:40

फउद उर्बस कछनख्र'आ चिच्‍चस। ख़ने पौलुस सिड़ही नू इज्‍जस ती आलारिन ख़ेक्खन नुकचस ती कलेकसे र'आ गे बाचस। आर कलेकसे मंजर ख़ने, आस इब्रानी भखा ती ब'आ हेलरस।

त‍इरकर 22:2

आस आर ही गने इब्रानी भखा ती कछनख्रनन आर मेंजर ख़ने, आर कलेकसे मंजर। ख़ने पौलुस बाचस,

त‍इरकर 26:14

ऎम ओर्मम ख़ॆख़ेल नू खत्रकम। ख़ने ऎन ओन्‍टा सड़ा इब्रानी भखा नू एंग्‍है ती ब'अनन मेंजकन। आद बाचा, ‘स‍उल, स‍उल, नीन एंगन एन्‍देरगे सताब'आलदय? अच्चो नू लथना निंगा सेब्बा मलकी।’

इब्रानी 13:12

एन्ने लेक्‍खा येसुस हूँ नगरे ही बहरी दुक्‍खे भोगचस ती तंग्‍है ख़ॆंस ती आलारिन नेम्‍हा नंजस।

दहदर मंजका कत्‍था 16:16

फेन अबड़ा मलदौ बॊलता बॆलारिन इब्रानी भखा नू हरमगेदोन बारना अड्डा नू ख़ॊंड़चा।

दहदर मंजका कत्‍था 9:11

भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।