यॊहनस 19:19 - पुना गच्छरना NT (BSI)

¹⁹ अरा पिलातुस ओन्‍टा दोस चिठी लिखताचस ती क्रुस नू लगाबाताचस। अरा अइय्या एन्ने लिख्रकी रहचा का, “नासरेत ता येसुस यहूदीर ही बॆलस।”

यॊहनस 19:19 ပူးပေါင်းရင်းမြစ်များ

मत्तायोस 2:23

अरा नासरेत नामे पद्दा नू केरस ती ओक्रस। होले धर्मेसी कत्‍था तिंगुर ती बारकी रहचा, “आस नासरेत ता आलस बार'ओस” आ कत्‍था मनन नेक‍अन।

मत्तायोस 27:37

अरा आसी दोस चिठी लिख'अरकी आसी कुक्‍कु म‍इय्‍याँ क्रुस नू लगाबाचर का “ईस यहूदीर ही बॆलस येसुस हवे”।

मरकुस 15:26

अरा आसी दोस चिठी लिख'अरकी आसी म‍इय्‍याँ क्रुस नू लगाबाचर का “यहूदीर ही बॆलस”।

लू‍कस 18:37

अबड़र आसिन तिंगियर, “नासरेत ता येसुस कट्टालदस।”

लू‍कस 23:38

अरा दोस चिठी हूँ आसी म‍इय्‍याँ क्रुस नू लिख्रकी रहचा का “ईस यहूदीर ही बॆलस हिकदस।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 18:33

ख़ने पिलातुस गढ़िया भितरी केरस अरा येसुसिन मीख़ियस ती आसिन मेंजस, “नीन यहूदीर ही बॆलय का?”

यॊहनस 19:12

आ घड़ी ती पिलातुस येसुसिन अम्‍बा गे बिद्दियस। लिकिन यहूदीर चिच्चियार चिच्चियार बाचर, “नीन ईसिन अम्‍बोय होले, नीन कैसरसी संगीस मलदय, नॆ तंगन बॆल ब'अदस, आस कैसरसी बिड़दो नू चो'अदस।”

यॊहनस 19:14

ई उल्‍ला कट्टना परब ही हप्‍ता ही सराजमा नन्‍ना ही उल्‍ला रहचा। अरा ईद मलागूटी लोहाड़ी बारा बजे रहचा। पिलातुस यहूदीरिन बाचस, “ऎरा, इसन निम्‍है बॆलस!”

यॊहनस 19:21

औंगे यहूदी मुध नैगर पिलातुसिन बाचर, “‘यहूदीर ही बॆलस’ एन्ने अमा लिख'आ, लिकिन ‘ईस तंगन यहूदीर ही बॆलस बाचका रहचस’ एन्ने लिख'आ।”

यॊहनस 19:3

अरा आसी गुसन बर'आ लगियर ती ब'आ लगियर, “अना यहूदीर ही बॆलायो जोहार!” अरा आसिन थपड़'आ लगियर।

त‍इरकर 26:9

ऎन हूँ गा नासरेस ता येसुसी नामे नू एंगा उर्मी तरती कोड़हे बिड़दो नन्ना र'ई एन्ने मुन्‍द सोच'आ लिक्‍कन।

त‍इरकर 3:6

लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”