यॊहनस 19:13 - पुना गच्छरना NT (BSI)

¹³ पिलातुस इबड़ा कत्‍थन मेंजस ख़ने, येसुसिन बहरी ओन्‍द्रस ती आस नेंवई नन्‍ना गदिया नू उक्‍कियस। आद पखना ती कमचका चौरा नू रहचा, ई चौरा इब्रानी भखा नू “गब्‍बता” बार'ई।

यॊहनस 19:13 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

लू‍कस 12:5

ऎन निमन ब'अदन का निमा नॆकन एल्‍चना र'ई। नॆका पिटका ख़ॊख़ा नू नरक नू सजना ही सवंग र'ई आसिन एल्‍चा। हाँ, ऎन निमन ब'अदन आसीनिम एल्‍चा।

यॊहनस 19:17

अरा येसुस तंग्‍है क्रुसन तानिम चेड्डस ती “खपरोही अड्डा” बारना अड्डा केरस। अदिन इब्रानी भखा नू “गोलगोता” ब'अनर।

यॊहनस 19:20

ई दोस चिठी इब्रानी, लतीन अरा युनानी भखा नू लिख्रकी रहचा। अरा येसुसिन क्रुस नू ठोकचका अड्डा नगरे ती हेद्देम रहचा, औंगे बग्‍गे यहूदीर ई चिठिन पढ़चर।

यॊहनस 19:8

पिलातुस इदिन मेंजस ख़ने, अउर कोड़हे इल्‍चियस केरस।

यॊहनस 5:2

येरुसलॆम नू भेन्‍ड़ो बकड़े गुसन ओन्‍टा पोखारी रहचा, अदिन इब्रानी भखा नू “बॆतसता” ब'अनर। अदही ओनबेंड़र'आ पाँच गोटा झला रहचा।

त‍इरकर 4:19

ख़ने पतरस अरा यॊहनस आरिन किर्त'अर बाचर, “नीमिम फरिय'आ, धर्मेसी ऎरना नू एकदा बने मनो का ऎम धर्मेसी कत्‍थन महले निम्‍है कत्‍थन पॆस्र'ओम।