यॊहनस 19:11 - पुना गच्छरना NT (BSI)

¹¹ येसुस आनाकिर्ताचस, “निंगा गे धर्मेस ती अदिया मल चीरका होले, निंगा एंग्‍है नू एन्‍द्रा हूँ अदिया मल र'ओ दने। औंगे नॆ एंगन निंग्‍है ख़ेक्खा नू सोंपचस, आस कोड़हे पाप ही बदी नू र'अदस।”

यॊहनस 19:11 ပူးပေါင်းရင်းမြစ်များ

मत्तायोस 26:65

येसुसी ई ब'अनन मेंजस ती कोहाँ नैगस तंग्‍है बरमारनन ऎद'आ गे तंग्‍है किचरिन चर्रियस, तहाँ बाचस, “ईस धर्मेसी निंदा नंजकादस, अक्‍कु नमा गे ईसी बिड़दो नू गोवाह ही एन्‍देर चाड़ र'ई! ईस धर्मेसी बिड़दो नू तंगन धर्मेसी लेक्खा जोक्‍खचस, ई ब'अनन नीम मेंजकर,

मत्तायोस 27:2

फिन आर येसुसिन हॆंचर अरा आसिन होच्‍चर ती ‍यूदेया ही रोमी राजीख़ापुस पिलातुसी ख़ेक्खा नू चिच्‍चर।

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

मरकुस 14:44

यूदस एन्ने चिन्‍हा चिच्का रहचस का ऎन नॆकन चोंखोन आसिम येसुस हिकदस, एकाबारी ऎन चोंखोन आसिन धर'अरकी कोड़ेम हो'अके।

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 18:13

अरा आसिन मुन्‍द हन्नास गुसन होच्‍चर, आस आ चाँन ता कोहाँ नैगस कैफसी तंग ससिरस रहचस।

यॊहनस 18:3

ख़ने यूदस ओन्‍टा रोमी सैनर ही फउद अरा मुध नैगर अरा फरिसीर तरती तइय्‍का धर्मेसी मन्दिर ख़ापू सैनर गने आ बटकी नू बरचस। आर होरा, कन्डेल अरा लड़‍ई ही कमहड़ गुट्ठिन ओन्‍द्रर ती बरचर।

यॊहनस 19:10

ख़ने पिलातुस आसिन बाचस, “एन्‍देरगे नीन एंग्‍है गने मल कछनख्रदय? नीन बलदय का एंगा निंगन अम्‍बा गे हूँ अरा क्रुस नू ठोक'आ गे हूँ अदिया र'ई?”

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

यॊहनस 7:30

तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 9:41

येसुस आरिन बाचस, “नीम अन्धहा रहचकर होले, नीम पाप ही बदी नू मल र'ओर दने। लिकिन नीम ब'अदर का ‘ऎम ऎरा ओंग्‍दम,’ औंगे निम्‍है पाप ही बदी निम्‍है म‍इय्याँ र'ई।”

त‍इरकर 2:23

धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 4:28

लिकिन आर इन्द्रिइम नंजर आद निंग्‍है मने लेक्‍खा नीन मुन्‍द तिम ओकताचका रहचकय अदिन नंजर।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

रोमी 13:1

उर्मी आलर अक्‍स'ऊ आलर ही तबे नू र'आ नेकअन। एन्‍देरगेका उर्मी आकुस धर्मेस तर‍ती बर'ई। एका ओर्तर आकुस नू र'अनर आरिन धर्मेस दिम असन ओक्‍ताचका र'अदस।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

याकॊब 4:17

औंगे ओर्तस तंगा नन्ना र'ई आ दौ आबोन अख़दस ती हूँ अदन मल नन्‍दस होले, आस पाप नन्दस।