यॊहनस 18:40 - पुना गच्छरना NT (BSI)

⁴⁰ ख़ने आर चिच्चियार'आ हेलरर अरा बाचर, “ईसिन मला, बरब्‍बसिन अम्‍बा चि'आ।” (बरब्‍बस गा हुलहुली नंजका आलस रहचस।)

यॊहनस 18:40 ပူးပေါင်းရင်းမြစ်များ

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

मत्तायोस 27:16

अबड़ा उल्‍ला नू बरब्‍बस नामे ही ओन्‍टा गुड़ुरकस रहचस। आस हुलहुली नू आलारिन लौचका पिटका रहचस।

मत्तायोस 27:26

ख़ने पिलातुस बरब्‍बसिन आर गे अम्‍बियस। अरा येसुसिन कोर्रा ती लौ'अरकी क्रुस नू ठोक'आ गे रोमी सैनर गे सों‍पचस।

मरकुस 15:15

ख़ने पिलातुस गोंहड़ा आबोन खुसमारत'अना ही मने ती बरब्‍बसिन आर गे अम्‍बियस। अरा येसुसिन कोर्रा ती ल'अरकी क्रुस नू ठोक'आ गे रोमी सैना गे सों‍पचस।

मरकुस 15:7

अबड़ा उल्‍ला नू बरब्‍बस नामे ही ओन्‍टा गुड़ुरकस रहचस। आस रोमीर ही बिड़दो नू हुलहुली नंजका ओन्‍टा खोंड़हा ता ओर्त रहचस। आर हुलहुली नू आलारिन लौचका पिटका रहचर।

लू‍कस 23:25

अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्‍खा आसिन अम्‍बियस चिच्‍चस अरा येसुसिन आर ही मने लेक्‍खा नन्‍त'आ गे सोंपचस।