यॊहनस 18:38 - पुना गच्छरना NT (BSI)

³⁸ पिलातुस आसिन बाचस, “मानिम एन्‍देर हवे?” आस एन्ने बाचस ती अउर हूँ बहरी यहूदीर गुसन केरस ती आरिन बाचस, “ऎन गा आसी मइय्याँ एन्‍देर हूँ बदी मल ख़क्‍खदन।

यॊहनस 18:38 ပူးပေါင်းရင်းမြစ်များ

मत्तायोस 27:24

पिलातुस ईरियस का गोंहड़ा ही चिच्‍चियारना मल मड़'आ लगी, अरा आस एन्द्रा हूँ इदही पत्त नू नना पुल्‍लियस। अरा आस अम्मु नॆचस ती गोंहड़ा ही मुन्‍दहारे ख़ेक्खा नॊंढरस ती बाचस, “ऎन ई उजगो आलासी खे'अन‍ ही बदी ती बछ्रदन, निम्‍है म‍इय्याँ दिम ईद मनो।”

मरकुस 15:14

पिलातुस आरिन मेंजस, “एन्‍देरगे, ईस एन्‍देर दोस नंजकादस?” लिकिन आर अउरिम जॊर ती चिच्चि‍यारते र'आलियर, “ईसिन क्रुस नू ठोक'आ।”

लू‍कस 23:4

ख़ने पिलातुस मुध नैगर अरा गोंहड़ा ती बाचस, “ऎन ई आलस म‍इय्याँ इन्द्रिइम दोस मल ख़क्‍खदन।”

यॊहनस 18:33

ख़ने पिलातुस गढ़िया भितरी केरस अरा येसुसिन मीख़ियस ती आसिन मेंजस, “नीन यहूदीर ही बॆलय का?”

यॊहनस 19:4

पिलातुस अउरिम गढ़िया ती बहरी बरचस ती आरिन बाचस, “ऎरा, ऎन आसिन निम्‍है गुसन ओन्‍द्रदन का, नीम अख़'ओर का ऎन आसी मइय्याँ एन्‍देर बदी हूँ मल ख़क्खकन।”

यॊहनस 19:6

मुध नैगर अरा धर्मेसी मन्दिर ख़ापू सैनर आसिन ईरियर ख़ने, आर चिच्चियारनुम बाचर, “ईसिन क्रुस नू ठोक'आ, ईसिन क्रुस नू ठोक'आ।” ख़ने पिलातुस आरिन बाचस, “नीमिम ईसिन हो'आ ती क्रुस नू ठोक'आ। लिकिन ऎन गा ईसी मइय्याँ एन्‍द्रा हूँ बदी मल ख़क्‍खदन।”

त‍इरकर 17:32

केचका ही उज्‍जा चो'अना ही पत्त ता कत्‍थन आलर मेंजर ती जोक्‍क आलर अलखा हेलरर। अरा जोक्‍क आलर बाचर, “ई कत्‍था ही पत्त नू ख़ॊख़ा ऎम अउरिम निंग्‍है ती मेनोम।”

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।