यॊहनस 18:28 - पुना गच्छरना NT (BSI)

²⁸ फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

यॊहनस 18:28 ပူးပေါင်းရင်းမြစ်များ

मत्तायोस 27:27

ख़ने राजीख़ापुसी सैनर येसुसिन प्रिटोरिओन बारना गढ़िया ही भितरी चाली नू होच्‍चर केरर। अरा आर असन आसी मुन्‍दहारे उर्मी फ‍उदन ख़ॊंड़चर।

मरकुस 15:16

सैनर येसुसिन गढ़िया ही भितरी चाली नू होच्‍चर केरर (अदन प्रिटोरिओन ब'अनर)। अरा असन उर्मी फ‍उदन मीख़ियर।

लू‍कस 22:66

बिज्‍जया ख़ने सभा ही पचगी मुद्धर अरा मुध नैगर अरा नॆग सिखाब‍'उर ख़ॊंड़रर। आर येसुसिन तम्‍है कोहाँ सभा नू ओन्‍द्रर ती मेंजर।

यॊहनस 11:55

अक्‍कु यहूदीर ही कट्टना परब हेद्दे अंड़सकी रहचा। ख़ने पद्दा तरती ढ़ॆर आलर तमन चाल ही सुध मना गे कट्टना परब ही मुन्‍द तिम येरुसलॆम केरर।

यॊहनस 18:13

अरा आसिन मुन्‍द हन्नास गुसन होच्‍चर, आस आ चाँन ता कोहाँ नैगस कैफसी तंग ससिरस रहचस।

यॊहनस 18:15

सिमॊन पतरस अरा अउर ओर्तो चेलस येसुसी ख़ॊख़ा ख़ॊख़ा केरर। ई चेलस कोहाँ नैगासी चिन्‍हार आलस रहचस, ख़ने येसुस गने कोहाँ नैगासी चाली गूटी केरस।

यॊहनस 18:33

ख़ने पिलातुस गढ़िया भितरी केरस अरा येसुसिन मीख़ियस ती आसिन मेंजस, “नीन यहूदीर ही बॆलय का?”

यॊहनस 18:39

लिकिन ऎन निमा गे कट्टना परब नू ओर्त गुड़रकासिन अम्‍बना ही चाल र'ई। एन्‍देर नीम बेद्ददर का ‘यहूदीर ही बॆलासिन’ निमा गे अम्‍बोन?”

यॊहनस 19:11

येसुस आनाकिर्ताचस, “निंगा गे धर्मेस ती अदिया मल चीरका होले, निंगा एंग्‍है नू एन्‍द्रा हूँ अदिया मल र'ओ दने। औंगे नॆ एंगन निंग्‍है ख़ेक्खा नू सोंपचस, आस कोड़हे पाप ही बदी नू र'अदस।”

यॊहनस 19:14

ई उल्‍ला कट्टना परब ही हप्‍ता ही सराजमा नन्‍ना ही उल्‍ला रहचा। अरा ईद मलागूटी लोहाड़ी बारा बजे रहचा। पिलातुस यहूदीरिन बाचस, “ऎरा, इसन निम्‍है बॆलस!”

यॊहनस 19:9

अरा आस येसुसिन होच्‍चस ती अउरिम गढ़िया भितरी कोरचस ती येसुसिन मेंजस, “नीन एस्‍तेक बरचका र'अदय?” लिकिन येसुस एन्‍देर हूँ मल आनाकिर्ताचस।

त‍इरकर 10:28

अरा आस आरिन बाचस, “नीम गा अख़दर का ओर्त यहूदी आलस गे नन-यहूदीर गने भेंट मन्ना मलता आर ही एड़पा नू कोरना यहूदीर ही नॆग ही बिड़दो र'ई। लिकिन धर्मेस एंगा गे दहदर नंजस का एक‍अम आलारिन नेम्‍हा मलकस मलता सोतबोड़'आ मल ब'अना र'ई।

त‍इरकर 10:32

औंगे नीन योप्‍पॆ नगरे नू आल त‍इय्या ती सिमॊनसिन नॆकन पतरस ब'अनर आसिन मॆख़ा। आस चमरस सिमॊनसी एड़पा नू ओक्रकादस, आसी एड़पा समुदर पिंडी नू र'ई।’

त‍इरकर 11:3

अरा बाचर, “नीन गा नन-यहूदीर ही एड़पा नू कोर्चकय अरा आर ही संगे ओंडकय।”

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।