यॊहनस 18:20 - पुना गच्छरना NT (BSI)

²⁰ येसुस आनाकिर्ताचस, “ऎन एन्‍देर सिखाबाचकन अदन ओर्मर अख़नर। ऎन उर्मी यहूदीर ख़ॊंड़रना गोड़हा एड़पा गुट्ठी नू अरा येरुसलॆम मन्‍दिर नू घड़ी घड़ी सिखाबाचकादन, अरा नुड़'अरकी एन्‍द्रन हूँ मल बाचकन।

यॊहनस 18:20 ပူးပေါင်းရင်းမြစ်များ

मत्तायोस 24:26

औंगे निक‍ईम निमन ब'ओर, ‘ऎरा, आस टुंगरी नू र'अस’ होले, बहरी अमके उरखा, अरा ‘आस एड़पा भितरि कुठली नू र'अस’ ब'ओर होले अमके पत्त'आ।

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

मत्तायोस 26:65

येसुसी ई ब'अनन मेंजस ती कोहाँ नैगस तंग्‍है बरमारनन ऎद'आ गे तंग्‍है किचरिन चर्रियस, तहाँ बाचस, “ईस धर्मेसी निंदा नंजकादस, अक्‍कु नमा गे ईसी बिड़दो नू गोवाह ही एन्‍देर चाड़ र'ई! ईस धर्मेसी बिड़दो नू तंगन धर्मेसी लेक्खा जोक्‍खचस, ई ब'अनन नीम मेंजकर,

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 9:35

इदही ख़ॊख़ा येसुस आ चक ता उर्मी नगरे नगरे अरा पद्दा पद्दा कुद्दनुम आर ही गोड़हा एड़पा नू सिखाब'अनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा जम्मा रकम ही पयहा अरा रोगेन कोड़े नंजस।

मरकुस 8:32

आस चेलारिन ई कत्‍थन डिढ लगे तिंगियस। ख़ने पतरस आसिन तरकूटी हो'अरकी कड़का हेलरस।

लू‍कस 21:37

येसुस उल्‍ला बारी धर्मेसी मन्दिर ही चाली नू सिखाब'आ लगियस, अरा माख़ा बारी नगरे ही बहरी कालरकी जैतून नामे परता नू र'आ लगियस।

लू‍कस 4:15

आस यहूदीर ही गोड़हा एड़पा गुट्ठी नू सिखाब'आ हेलरस, अरा ओर्मर आसी ओहमा ननालियर।

यॊहनस 18:21

ख़ने नीन एंगन एन्‍देरगे मेन्‍दय? एंग्‍है सिखाब'अनन नॆ मेंजका र'अनर आर गुसन मेना। ऎन एन्‍देर बाचकन अदिन आर अख़नर।”

यॊहनस 6:59

इबड़ा कत्‍थन कफरनहूम नू येसुस गोड़हा एड़पा नू सिखाब'आ लगियस ख़ने बाचस।

यॊहनस 7:14

लिकिन परब ही मझी बेड़ा नू येसुस धर्मेसी मन्दिर ही चाली नू केरस ती सिखाब'आ हेलरस।

यॊहनस 7:26

ऎरा! ईस गा हरकट कछनख्रदस, अरा आर ईसिन एन्‍देर हूँ मलम ब'अनर, एन्‍देर मानिम नू नम्‍है मुद्धर सोचनर का ईसिम मसीस?

यॊहनस 7:28

ख़ने येसुस धर्मेसी मन्दिर नू सिखाब'अनुम रहचस ती जॊर ती बाचस, “हाँ, एंगन नीम अख़दर अरा इदिन हूँ अख़दर ऎन एस्‍तन। लिकिन ऎन एंग्‍है मने ती मल बरचकन, ‍एंग्‍है तइय्युस मानिम र'अस, आसिन नीम बलदर।

यॊहनस 7:4

ओर्तोस कोहाँ आल मना बेद्ददस होले, आस नूख़्रना ती नलख मल ननोस। नीन एन्ने नलख गुट्ठिन नना लगदय होले, सौंसे ख़ॆख़ेल निंग्‍है पत्त नू अख़'आ नेकअन।”

यॊहनस 8:2

अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

यॊहनस 8:26

ऎन निम्‍है पत्त नू तेंगा गे अरा नेंव‍ई नना गे ढ़ॆर कत्‍था र'ई। एंगन तइय्युस मानिम र'अदस, आस गुसते ऎन एन्‍द्रन मेंजकन अबड़ा कत्‍थन लेका ख़ॆख़ेल नू तेंगदन।”

त‍इरकर 26:26

बॆलस अग्रिप्‍पस हूँ गा इबड़ा कत्‍था ही पत्त नू अख़दस। औंगेम ऎन बेगर एल्‍चम ती आसिन ब'आ लगदन। ऎन अख़दन का इबड़ा कत्‍था आस ती नूख्रका मल्‍ला, एन्‍देरगेका ईद एकअम कोड़ा नू मल्‍ला मंजका।