18 आद पइय्याँ उल्ला रहचा, ख़ने जॊंख़र अरा धर्मेसी मन्दिर ख़ापू सैनर चिच्ची ओद्दर ती ओनबेंड़र'आ इज्जर ती अख़र'आ लगियर। अरा पतरस हूँ आर ही गने इज्जस ती अख़र'आ लगियस।
पतरस गेच्छा ती येसुसी ख़ॊख़ा ख़ॊख़ा कोहाँ नैगासी चाली गूटी केरस। अरा असन धर्मेसी मन्दिर ख़ापुर गने ओक्करकी आस चिच्ची अख़र'आ हेलरस।
आद पतरसी चिच्ची अख़रनन ईरिया, अरा आसिन थिथवाँ ईरिया ती बाचा, “नीन हूँ गा नासरेत पद्दा ता आ येसुस गने रहचकय।”
अरा आस अउरिम कोड़हे सस्ती ती उकुलबुकुल मंजस गोहरार'आलियस अरा आसी एरचरना ख़ॆंस ही कोहाँ टिप्पा लेक्खा ख़ॆख़ेल नू खत्तरा।]
सिमॊन पतरस असन इज्जस ती अख़र'आ लगियस ख़ने, आर आसिन बाचर, “नीन हूँ गा आसी चेलर ती ओर्तोस मलदय का?” आस नटचस ती बाचस, “ऎन आसी चेलन मलदन।”
ख़ने यूदस ओन्टा रोमी सैनर ही फउद अरा मुध नैगर अरा फरिसीर तरती तइय्का धर्मेसी मन्दिर ख़ापू सैनर गने आ बटकी नू बरचस। आर होरा, कन्डेल अरा लड़ई ही कमहड़ गुट्ठिन ओन्द्रर ती बरचर।
आर डोंगा ती पिंडी नू इत्तियर ख़ने, कुइला पखना ही न्युर नू इंजो कुट्टका र'अनन अरा असन असमन उइय्का ईरियर।
जेहेल ती अम्बका ख़ॊख़ा पतरस अरा यॊहनस तम्है आलर गुसन केरर, अरा मुध नैगर अरा मुद्धर आरिन एन्देर बाचका रहचर अदिन उर्मिन तिंगियर।
अमके ठगर'आ, मलदौ आलर गने भिंडरना दौ ऎकनन बगड़'ई चि'ई।