यॊहनस 18:11 - पुना गच्छरना NT (BSI)

¹¹ ख़ने येसुस पतरसिन बाचस, “निंग्‍है तलवारन खाप नू उइय्या। एम्‍बस एंगा चिच्का सस्‍ती ही डुबहा ती एंगा ओन्ना दिम र'ई।”

यॊहनस 18:11 ပူးပေါင်းရင်းမြစ်များ

मत्तायोस 20:22

येसुस आनाकिर्ताचस, “नीम एन्‍दरन ने'अदर अदही माने बलदर। ऎन एका रकम सस्‍ती सह'‍ऊ र'अदन अन्ने सस्‍ती नीम सह'आ ओंग्दर?” अबडर बाचर, “ऎम ओंगोम।”

मत्तायोस 26:39

अरा आस कटी गुना मुन्‍द केरस। अरा आस ख़ॆख़ेल नू मुही पाब खत्रस ती बिन्‍ती नंजस, “एंग्‍है बंगायो, मना ओंगो होले, ई खिलपत एंगा अम्‍बो मना। लिकिन एंग्‍है मने लेक्‍खा मला, निंग्‍है मने लेक्‍खा मनन।”

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

लू‍कस 12:30

ई ख़ॆख़ेल ही मल पत्त'ऊ आलर इबड़ा ही तिहा नू र'अनर, लिकिन निम्‍है बंगस अख़दस का निमा गे इबड़ा आलॊ ही चाड़ र'ई।

लू‍कस 22:42

“अना एंग्‍है बबा, निंग्‍है मने र'ई होले ई सस्‍ती अरा खे'अनन एंग्‍है ती ताड़'आ। लिकिन एंग्‍है मने ती मला निंग्‍है मने ती दिम नना।”

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 18:36

येसुस आनाकिर्ताचस, “एंग्‍है राजी ई ख़ॆख़ेल ता मल्‍ली। एंग्‍है राजी ई ख़ॆख़ेल ता रहचका होले, एंग्‍है जॊंख़र लड़'ओर दने, का ऎन यहूदीर ही ख़ेक्खा नू मल चीतार'ओन दने। लिकिन एंग्‍है राजी ई ख़ॆख़ेल ता मल्‍ली।”

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

2 कोरिन्‍थ 10:4

एम्है चॆत ही कमहड़ गुट्ठी सौंसार ता आलर बउर'अना कमहड़ गुट्ठी मल्‍ली, लिकिन गढ़ें गुट्ठिन धंस'ऊ धर्मेसी सवंगिय कमहड़ आबोन बउर'अदम।

2 कोरिन्‍थ 6:7

मानी कत्थन तेंगा कुद्दना नू, धर्मेसी सवंग नू, अरा उजगो ही कमहड़न तीना अरा डेब्‍बा ख़ेक्खा नू धरना नू ऎम एम्है गोवाह आबोन ऎद्ददम।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।