यॊहनस 17:8 - पुना गच्छरना NT (BSI)

⁸ एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 17:8 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 14:10

एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 15:15

निमन अक्‍कुन ती ऎन जॊंख़र मल ब'ओन, एन्‍देरगेका जॊंख़स बलदस का आसी उर्बस एन्‍देर ननालदस। लिकिन निमन ऎन संगेर बाचकादन, एन्‍देरगेका ऎन एम्‍बस ती मेंजका उर्मी कत्‍थन निमन मेन्ताचका र'अदन।

यॊहनस 16:27

एन्‍देरगेका बंगस तानिम निमन चोन्‍हा नन्‍दस। आस निमन चोन्‍हा नन्‍दस, एन्‍देरगेका नीम एंगन चोन्‍हा नंजकर, अरा पत्ताचकर का ऎन धर्मेस गुस्‍ते बरचका र'अदन।

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

यॊहनस 17:14

ऎन आर गे निंग्‍है कत्‍थन चिच्कादन। अरा ख़ॆख़ेल आरिन कैर नंजा, एन्‍देरगेका ऎन एकासे ख़ॆख़ेल ही मलदन, अन्नेम आर हूँ ख़ॆख़ेल ही मलनर।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 3:33

नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

यॊहनस 6:68

सिमॊन पतरस आसिन आनाकिर्ताचस, “उर्बायो, ऎम नॆख'आ गुसन क'ओम? निंग्‍है गुसन गा जनमजुग उज्‍जना ही कत्‍था गुट्ठी र'ई।

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

1 कोरिन्‍थ 11:23

एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।