यॊहनस 17:6 - पुना गच्छरना NT (BSI)

⁶ एका आलारिन नीन ख़ॆख़ेल ती एंगा चिच्‍कय, आर गे ऎन निंगन दहदर नंजकन। आर निंग्‍है दिम रहचर, आरिन नीन एंगा चिच्‍कय, अरा आर निंग्‍है कत्‍थन मनचर।

यॊहनस 17:6 ပူးပေါင်းရင်းမြစ်များ

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 12:28

अना बंगायो, निंग्‍है नामे गे महबन ओन्‍द्र'आ।” ख़ने मेर्ख़ा ती ओन्‍टा सड़ा मेन्‍दरा, “ऎन गा एंग्‍है नामे गे महबन ओन्‍द्रका र'अदन अरा फेनिम अदगे महबन ओन्‍द्र'ओन।”

यॊहनस 15:19

नीम ख़ॆख़ेल ता रहचकर होले, आद निमन तंग्‍है ब'अरकी निम्‍है गने चोन्‍हा नंजकी र'ओ दने। लिकिन नीम ख़ॆख़ेल ता मलदर, एन्‍देरगेका ऎन निमन ख़ॆख़लन अम्‍बा ती बर'आ गे चज्जिका र'अदन, ख़ने ख़ॆख़ेल निमन हींड़'ई।

यॊहनस 15:3

नीम गा ऎन निमन बाचका कत्‍था गुट्ठी ती मुन्‍द दिम छटका अरा सफा मंजकादर।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

यॊहनस 17:14

ऎन आर गे निंग्‍है कत्‍थन चिच्कादन। अरा ख़ॆख़ेल आरिन कैर नंजा, एन्‍देरगेका ऎन एकासे ख़ॆख़ेल ही मलदन, अन्नेम आर हूँ ख़ॆख़ेल ही मलनर।

यॊहनस 17:16

एकासे ऎन ख़ॆख़ेल ही मलदन, अन्‍नेम आर हूँ ख़ॆख़ेल ही मलनर।

यॊहनस 17:2

नीन ओर्मा आलर मइय्याँ एंगा गे अदिया चिच्‍चकादय, नीन एंगा चिच्का ओर्मर गे ऎन जनमजुग ही उज्‍जना चि'आ गे दिम नीन इदन नंजकय।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”

यॊहनस 17:7

नीन एंगा चिच्का उर्मिद निंग्‍है तिम बर'ई, एन्ने आर अक्‍कु अख़नर।

यॊहनस 18:9

“नीन एंगा चिच्का अबड़र ती ओर्तारिन हूँ मल एब्‍सकन” एन्ने येसुस बाचका कत्‍था मना गे ईद एन्ने मंजा।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

यॊहनस 6:39

अरा एंगन तइय्‍का धर्मेसी मने ईद र'ई का, एवंदा आलारिन आस एंगा चिच्‍चकादस, आरिन ‍ती नॆकन हूँ मल एबस‍'ओन, लिकिन छेद्दे उल्‍ला नू आरिन उज्‍जा चॊद'ओन।

यॊहनस 8:51

ऎन निमन मानिम ब'अदन, नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।”

यॊहनस 8:52

ख़ने यहूदीर आसिन बाचर, “ऎम अक्‍कुन अक्‍कम का नीन नाद ती रस्‍का आलय हिकदय। अब्राहमस केच्‍चस अरा धर्मेसी कत्‍था तिंगुर हूँ केच्‍चर। लिकिन नीन ब'अदय का ‘नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।’

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

रोमी 11:2

धर्मेस तंग्‍‍है आलारिन एकदन आस मुन्द दिम चज्जिकाचस आरिन मल अम्‍बा ख़च्‍चियस। एन्‍देर नीम बलदर का? नेम्‍हा पुथी धर्मेसी कत्‍था तिंगू एलियसी पत्त नू एन्‍देर ब'ई, एकासे आस धर्मेसिन इस्राऎलर ही बिड़दो नू गोहरारस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

2 तीमोथियुस 1:13

एका बड़ियर कत्‍था गुट्ठिन नीन एंग्‍है ती मेंजकादय, अदिन मसी येसुस नू र'ई आ पत्त'अना अरा चोन्‍हा गने निंग्‍है चिन्‍हा कम'आ ती उइय्या।

इब्रानी 2:12

आस ब'अदस, “ऎन एंग्‍है भ‍ईर गे निंग्‍है पत्त नू तेंगोन, अरा गोड़हा एड़पा ही मुन्‍दहारे निंग्‍है ओहमन पाड़ोन।”

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 3:8

ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।