यॊहनस 17:21 - पुना गच्छरना NT (BSI)

²¹ अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:21 ပူးပေါင်းရင်းမြစ်များ

मरकुस 3:24

ओन्‍टा राजी तंग्‍है नू लड़ाई ननी होले, आ राजी बड़ियर र'आ पुल्ली।

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:30

ऎन दरा बंगस ओन्‍टे दिम हिकदम।”

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 11:42

अरा ऎन अख़'आ लिक्‍कन, नीन सदौ एंग्‍हैन मेन्‍दय। लिकिन इसन ओनबेंड़र'आ इज्‍जका आलर ही चड्डे ऎन एन्ने बाचकन का आर पत्त'आ ओंगोर का नीन एंगन तइय्कादय।”

यॊहनस 13:32

अरा एंग्‍है ती धर्मेसी महबा दहदर मनी होले, धर्मेस हूँ मनवा ख़द्दन एंगा महबन तंग्‍है ती दहदर ननोस, अरा लॆम अदन ननोस।

यॊहनस 13:35

नीम एन्ने ओर्त ओर्त गने चोन्‍हा ननोर होले, ओर्मा आलर अख़'ओर का नीम एंग्‍है चेलर हिकदर।”

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 17:20

ऎन इबड़ा चेलर गे लेका मल गोहरारदन, लिकिन ईर तेंगना कत्‍था ती नॆ एंगन पत्त'ओर, आर गे हूँ गोहरारदन।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 3:17

धर्मेस तंग्‍दासिन ख़ॆख़ेल नू ख़ॆख़लन नेंव‍ई नना गे मल तइय्यस, लिकिन आस ती ख़ॆख़लन नाड़ा गे त‍इय्यस।

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

1 कोरिन्‍थ 12:12

एकासे का आलर ही मॆद ओन्‍टा र'ई, अन्नु हूँ अदही कैनो गोटंग अंग मनी। अरा उर्मी अंग कैनो गोटंग र'ई, अन्नु हूँ ओन्‍टा मॆद मनी काली। एन्ने लेक्‍खम मसीस हूँ र'अस।

1 कोरिन्‍थ 6:17

लिकिन नॆ उर्बस गने तंगन मेसदस, आस उर्बस गने ओन्‍टा बॊलता मन्‍दस कादस।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 5:7

औंगे नमा गे इबड़ा तिनियों गोवाह चि'ई।