यॊहनस 16:7 - पुना गच्छरना NT (BSI)

⁷ लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 16:7 ပူးပေါင်းရင်းမြစ်များ

लू‍कस 24:49

अरा नेम्‍हा बॊलतन एकदन एम्‍बस गच्‍छरका र'अस अदिन ऎन निमा गे त‍इय्योन, अरा नीम नेम्‍हा बॊलतासी सवंग ख़क्‍खना गूटी येरुसलॆम नगरे नुम र'अके।”

लू‍कस 4:25

लिकिन ऎन अउरिम ओन्‍टा मानिम कत्‍था ब'अदन का धर्मेसी कत्‍था तिंगू एलियसी बेड़ा नू इस्राऎल नू बग्‍गे रड़ियाहीर रहचर, इकला साढ़े तीन बछर गूटी चॆप मल पुंईयाँ, ख़ने गोट्टा राजी नू कोहाँ अकाल मंजा।

लू‍कस 9:27

ऎन ओन्‍टा मुदे कत्‍थन निमन ब'अदन, अक्‍कुन इसन इज्जका आलर ती जोक्को आलर, धर्मेसी राजी नन्नन बिगर ईरका मल खे'ओर।”

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 16:8

अरा सालत'उस बरदस ख़ने, आस ख़ॆख़लन पाप ही पत्त नू अरा उजगो र'अना ही पत्त नू अरा नेंवई ही पत्त नू तेंगोस, अरा ऎद'ओस का आर इबड़ा पत्त नू एकासे ठउकम मल बुझ्रकर।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 10:34

पतरस ब'आ हेलरस, “ऎन अक्‍कु बड़ियर लगे बुझ्रकन का धर्मेस नॆकन हूँ तीना मल ख़ाँड़दस।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

2 कोरिन्‍थ 4:17

बग्गे उल्ला मल र'अना अक्‍कु ता एम्‍है कट्टी गुसर खिलपत गा एमा गे अकय कोहाँ अरा कोड़हे जनमजुग महबन कुन्द्रत'ई।