यॊहनस 16:5 - पुना गच्छरना NT (BSI)

⁵ अक्‍कु ऎन एंग्‍है तइय्युस गुसन किर्रा कालदन। अन्नु हूँ निम्‍है ती ओर्त हूँ एंगन अक्‍कुन मल मेन्‍दर का ‘नीन एक्‍सन कादय?’

यॊहनस 16:5 ပူးပေါင်းရင်းမြစ်များ

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 13:36

सिमॊन पतरस येसुसिन मेंजस, “उर्बायो, नीन एक्‍सन कालदय?” येसुस बाचस, “एक्‍सन ऎन कालदन असन नीन अक्‍कुन एंग्‍है गने चॊंख़्र'आ पोलदय, लिकिन ख़ॊख़ा नीन एंग्‍है गने चॊंख़्र'ओय।”

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 16:10

अरा ऎन बंगस गुसन काना ती नीम एंगन अउर मल ऎरोर ई चड्डे उजगो र'अना ही पत्त नू आस तेंगोस।

यॊहनस 16:16

एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर।”

यॊहनस 16:17

ख़ने आसी चेलर जोक्‍कोर ओर्त ओर्त कछनख्र'आ लगियर, “ ‘एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर’ अरा ‘ऎन बंगस गुसन कादन’ एन्ने ईस नमन ब'अदस, इदही एन्‍देर मने हिके?”

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 17:13

अक्‍कु ऎन निंग्‍है गुसन बरदन, अरा ऎन ख़ॆख़ेल नू र'अना बारिम इबड़ा कत्‍थन ब'अदन, औंगे आर एंग्‍है रिझ्रना ती नीदा ओंग्‍नर।

यॊहनस 17:4

नीन एंगा नना गे चिच्का नलखन नंजकन मुंजकन ती, ऎन इय्या ख़ॆख़ेल नू निंग्‍है महबन दहदर नंजकन।

यॊहनस 6:62

मनवा ख़द्दन ऎन मुन्‍द रहचकन आ अड्डा नू होतारनन नीम ऎरोर होले, एकासे र'ओ!

यॊहनस 7:33

येसुस बाचस, “ऎन जोक्‍क उल्‍ला लेका निम्‍है गने र'ओन, फेन एंग्‍है तइय्युस गुसन किर्रिम बि'ओन।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।