यॊहनस 16:32 - पुना गच्छरना NT (BSI)

³² ऎरा, बेड़ा बर'आ लगी, अरा अंड़सा ख़च्‍चकी र'ई। आ बारी नीम छितिर बितिर मनोर ती तंग्‍है तंग्‍‍है एड़पा बोंगोर। अरा एंगन ओर्तेलेका अम्‍बोर चि'ओर। अन्नु हूँ ऎन ओर्तेलेका मलदन, एन्‍देरगेका बंगस एंग्‍है गने र'अस।

यॊहनस 16:32 ပူးပေါင်းရင်းမြစ်များ

मत्तायोस 26:31

ख़ने येसुस आरिन बाचस, “नेम्हा पुथी नू लिख्रकी र'ई, ‘ऎन महरासिन पिटोन, अरा आसी भेंडो ही गोंहड़ा भिड़कार'ओ कालो’ एन्ने नीम ओर्मर एंगन अम्‍बोर ती इन्ना माख़म बोंगोर क'ओर।

मत्तायोस 26:56

लिकिन इबड़ा उर्मी इदगे मं‍जा का धर्मेसी कत्था तिंगुर नेम्हा पुथी नू एंग्‍है पत्त नू लिखचका कत्‍था पूरा मनो।” ख़ने उर्मी चेलर अम्‍बियर ती बोंगर केरर।

मरकुस 14:27

ख़ने येसुस आरिन बाचस, “नेम्हा पुथी नू एंग्‍है पत्त नू लिख्रकी र'ई, ‘ऎन महरासिन पिटोन, अरा आसी भेंडो भिड़कार'ओ कालो’ एन्ने नीम ओर्मर एंगन अम्‍बोर ती बोंगोर क'ओर।

मरकुस 14:50

ख़ने आसी उर्मी चेलर आसिन अम्‍बरकी बोंगर केरर।

यॊहनस 12:23

येसुस बाचस, “मनवा ख़द्दासी महबा मन्‍ना ही बेड़ा अंड़सकी र'ई।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 16:25

ऎन निमन इबड़ा कत्‍थन ख़ीरी गुट्ठी ती कछनख्रकादन। लिकिन बेड़ा बर'आ लगी, आ बारी ऎन ख़ीरी गुट्ठी ती मल कछनख्र'ओन। लिकिन ऎन निमन बंगासी पत्त नू फरीफरी तेंगोन।

यॊहनस 16:31

ख़ने येसुस बाचस, “अक्‍कु गा नीम पत्त'अदर, आद दौ हिके।

यॊहनस 19:27

फेन आस आ चेलासिन बाचस, “ऎरा, ईद निंग्‍यो।” अरा आ बारिम आ चेलस अदिन तंग्‍है जिम्मा होच्‍चस।

यॊहनस 20:10

इदही ख़ॊख़ा चेलर तम्‍है एड़पा किर्रियर केरर।

यॊहनस 4:21

येसुस अदिन बाचस, “अनय आली! एंग्‍है कत्‍थन पत्त'अय, बेड़ा बर'आली, आ बारी नीम धर्मे बंगासिन ई परता नू हूँ मला महले येरुसलॆम नगरे नू हूँ मल महबा ननोर।

यॊहनस 4:23

लिकिन बेड़ा बर'आली, अरा अक्‍कुन बरचकी र'ई। मानी ती महबा ननू आलर, आ बारी तम्‍है बॊलता गने अरा मानी जिया ती धर्मे बंगासिन महबा ननोर। धर्मे बंगस एन्नेम महबा ननुरिन बेद्ददस।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 5:28

इदही पत्त नू अमा हैकटर'आ, एन्‍देरगेका बेड़ा बर'आ लगी, केचका ओर्मा आलर एंग्‍है सड़न मेनोर।

यॊहनस 8:16

लिकिन ऎन नेंवई ननोन होले, एंग्‍है नेंवई ठ‍उकम र'ई, एन्‍देरगेका ऎन ओर्तेलेका ती नेंव‍ई मल नन्‍दन, एंगन त‍इय्‍का एम्‍बस हूँ एंग्‍है गने र'अस।

यॊहनस 8:29

नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

त‍इरकर 21:6

तहाँ ऎम बिदा मंजकम ती कोहाँ डोंगा नू अरगकम अरा आर एड़पा किर्रियर।

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।