यॊहनस 16:27 - पुना गच्छरना NT (BSI)

²⁷ एन्‍देरगेका बंगस तानिम निमन चोन्‍हा नन्‍दस। आस निमन चोन्‍हा नन्‍दस, एन्‍देरगेका नीम एंगन चोन्‍हा नंजकर, अरा पत्ताचकर का ऎन धर्मेस गुस्‍ते बरचका र'अदन।

यॊहनस 16:27 ပူးပေါင်းရင်းမြစ်များ

मत्तायोस 10:37

नॆ अयंग मलता बंगासिन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस। अरा एकास तंग्‍दासिन मलता तंग्‍दन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस।

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 7:29

लिकिन ऎन आसिन अख़दन, एन्‍देरगेका ऎन आसी गुस्‍ते बरचकादन, अरा आसिम एंगन तइय्यस।”

यॊहनस 8:42

ख़ने येसुस आरिन बाचस, “मानिम नू धर्मेस निम्‍है बंगस रहचस होले, नीम एंगन हूँ चोन्‍हा ननोर दने, एन्‍देरगेका ऎन धर्मेस ती बरचका र'अदन, अरा अक्‍कु इसन र'अदन। ऎन एंग्‍है मने ती मल बरचकादन, धर्मेस दिम एंगन तइय्‍कादस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

1 कोरिन्‍थ 15:47

पहिल आलस ख़ॆख़ेल ता हिकदस ख़ज्‍जो ती कम्रकादस। दोसर आलस मसीस मेर्ख़ा ता हिकदस।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

2 कोरिन्‍थ 5:14

मसीसी चोन्‍हा गा एमन तंग्है तबे ननी, एन्देरगेका ऎम इदन बुझुरकम का ओर्तोस ओर्मर गे केचकादस, ख़ने ईद एन्ने लेक्खा ईद'ई का, ओर्मर केचकानर।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

इब्रानी 12:6

एन्‍देरगेका उर्बस नॆकन चोन्‍हा नन्‍दस आसिन कोड़दस, अरा नॆकन तंग्‍है ख़द्द लेक्‍खा इंझ्रदस आसिन दन्‍दकादस।”

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।

दहदर मंजका कत्‍था 3:9

ऎरा, यहूदी मलनर ती तमन यहूदी एन्ने ठक'ऊ सैतान ही गोड़हा एड़पा ता जोक्क आलारिन निंगा गे ऎन चि'ओन। अरा आर बर'ओर ती निंग्है मुन्दहारे ख़ेडमूली खत्र'आ गे नन्त'ओन। अरा आर अख़'ओर चि'ओर का ऎन निंगन चोन्‍हा नंजकादन।