यॊहनस 16:23 - पुना गच्छरना NT (BSI)

²³ अरा आउला नीम एंगन एन्‍द्रन हूँ मेना गे चाड़ मल र'ओ। ऎन निमन मानिम ब'अदन, एंग्‍है नामे ती नीम एन्‍द्र'आनिम बंगस गुस्‍ते ने'ओर, अदिन आस निमा गे चि'ओस।

यॊहनस 16:23 ပူးပေါင်းရင်းမြစ်များ

मत्तायोस 21:22

अरा उर्मिन नीम पत्त'आनुम निम्‍है गोहरारना नू ने'ओर, अबड़ा उर्मी निमा ख़क्‍ख्र'ओ।”

मत्तायोस 7:7

धर्मेस ती ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 14:22

फिन यूदस नॆ यूदस इसकारियॊतस मलदस, आस येसुसिन बाचस, “उर्बायो, एन्‍देरगे नीन निंगन ख़ॆख़ेल ता आलर गे दहदर मल नन्ना ती एमा गे लेकम दहदर नना बेद्ददय?”

यॊहनस 14:5

तॊमस येसुसिन बाचस, “उर्बायो, नीन एसन कालदय ऎम बल्‍दम। होले अदही डहरेन ऎम एकासे अख़'ओम?”

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 16:19

येसुस अक्‍खस का आर इदही पत्त नू तंगन मेना बेद्दनर। ख़ने आस आरिन बाचस, “‘एगघड़ी ख़ॊख़ा नीम एंगन मल ऎरोर, अरा एगघड़ी ख़ॊख़ा नीम एंगन अउर ऎरोर’ एन्ने ऎन बाचकन, इदही मने एन्‍देर एन्ने नीम ओर्त ओर्त नू मेना लगदर का?

यॊहनस 16:26

आ उल्ला नू नीम एंग्‍है नामे नू बंगासिन ने'ओर। औंगे ऎन निमा गे बंगस गुसन ने'आ गे चाड़ मल र'ओ।

यॊहनस 16:30

अक्‍कु ऎम अख़दम का नीन उर्मिन अख़दय, नॆ हूँ निंगन मेना गे चाड़ मल्‍ला। इत्रु ती ऎम पत्त'अदम का नीन धर्मेस ती उरखकय बरचकादय।”

इफेसुस 2:18

औंगे आसी चड्डे नाम इरबत ओन्टा बॊलतस ती धर्मे बंगस मुन्दहारे बर'आ ओंग्दत।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।