यॊहनस 16:2 - पुना गच्छरना NT (BSI)

² आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

यॊहनस 16:2 ပူးပေါင်းရင်းမြစ်များ

मत्तायोस 10:28

अरा कयन पिटनर अरा जियन गा पिटा पोल्‍नर आर ती अमा एल्‍चा, लिकिन एकास कयन दरा जियन नरक नू पिटा ओंग्‍दस आसिन एल्‍चा।

मत्तायोस 24:9

आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

यॊहनस 12:42

अन्नु हूँ यहूदी मुद्धर ती ढ़ॆर आलर येसुस मइय्याँ पत्ताचर। लिकिन फरिसीर चड्डे आर आसी म‍इय्याँ ता तंग्‍है पत्त'अनन मल तेंगरर। आर इदगे इल्‍चियर का आर आरिन गोड़हा एड़पा ती ओथ्र'ओर चि'ओर दने।

यॊहनस 16:25

ऎन निमन इबड़ा कत्‍थन ख़ीरी गुट्ठी ती कछनख्रकादन। लिकिन बेड़ा बर'आ लगी, आ बारी ऎन ख़ीरी गुट्ठी ती मल कछनख्र'ओन। लिकिन ऎन निमन बंगासी पत्त नू फरीफरी तेंगोन।

यॊहनस 16:32

ऎरा, बेड़ा बर'आ लगी, अरा अंड़सा ख़च्‍चकी र'ई। आ बारी नीम छितिर बितिर मनोर ती तंग्‍है तंग्‍‍है एड़पा बोंगोर। अरा एंगन ओर्तेलेका अम्‍बोर चि'ओर। अन्नु हूँ ऎन ओर्तेलेका मलदन, एन्‍देरगेका बंगस एंग्‍है गने र'अस।

यॊहनस 4:21

येसुस अदिन बाचस, “अनय आली! एंग्‍है कत्‍थन पत्त'अय, बेड़ा बर'आली, आ बारी नीम धर्मे बंगासिन ई परता नू हूँ मला महले येरुसलॆम नगरे नू हूँ मल महबा ननोर।

यॊहनस 4:23

लिकिन बेड़ा बर'आली, अरा अक्‍कुन बरचकी र'ई। मानी ती महबा ननू आलर, आ बारी तम्‍है बॊलता गने अरा मानी जिया ती धर्मे बंगासिन महबा ननोर। धर्मे बंगस एन्नेम महबा ननुरिन बेद्ददस।

यॊहनस 9:22

आसी तंग्‍यो तम्‍बा यहूदी मुद्धारिन इल्‍चका ती एन्ने बाचर, ईगेका यहूदी मुद्धर ताम मुन्‍द तिम सलहा नंजका रहचर का नीकईम येसुसिन मसी ब'ओर होले, आरिन गोड़हा एड़पा ती ओथ्र'ओम चि'ओम।

यॊहनस 9:34

अरा आर आसिन बाचर, “नीन गा कुन्‍द्रका तिम पपहा र'अदय। नीन एमन सिखाब'आ गे चिहुट नन्‍दय का?” अरा आर आसिन गोड़हा एड़पा ती ओथ्रर चिच्‍चर।

त‍इरकर 5:33

इदिन मेंजर ती आर कैर ती निन्‍दियर केरर अरा आर त‍इरकारिन पिटा ख़च्‍चा गे अंगियाचर।

त‍इरकर 7:56

अरा आस बाचस, “ऎरा! ऎन मेर्ख़न तिसगरका अरा मनवा ख़द्दासिन धर्मेसी तीना चोक्‍ख इज्‍जका ऎरदन!”

1 कोरिन्‍थ 4:13

आर एमन निंदा नन्नर ख़ने, ऎम बॆस कत्‍था ती किर्त'अर ब'अदम। ऎम इन्ना गूटी हूँ ख़ॆख़ेल ता चिंदी अरा कस्‍सा लेक्‍खा मंजकादम।

फिलिप्‍पी 3:6

अरा धर्मेस मइय्याँ ता एंग्है सकत ओत्था ती ऎन कलीसिया गुट्ठिन सताबाचका आलन रहचकन। अरा यहूदी नॆगन पॆस्रना ही पत्त नू ऎन उर्मी नॆगन पॆस्रका ती बिगर बदी ही रहचकन।

दहदर मंजका कत्‍था 6:9

भेंडो ख़द्द मसीस पंचे मरकन ख़च्‍चियस ख़ने, ऎन गोड़हा किइय्या अबड़ा जिया गुट्ठिन ईरकन, एकाबड़र धर्मेसी कत्‍था तेंगना ती अरा मानिम गोवाह र'अना ही चड्डे पिटतारका रहचर।