यॊहनस 16:14 - पुना गच्छरना NT (BSI)

¹⁴ आस एंगा गे महबन ओन्‍द्र'ओस, एन्‍देरगेका आस एंग्है ती ख़क्‍खदस ती अदिन निमन तेंगोस।

यॊहनस 16:14 ပူးပေါင်းရင်းမြစ်များ

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

1 कोरिन्‍थ 12:3

औंगे ऎन निमन तेंगदन का, एका आलस हूँ धर्मेसी बॊलतस ती ब'अदस, आस एन्ने मल ब'अदस का, “येसुस सर्पारदस।” अरा एका आलस हूँ नेम्‍हा बॊलतस ती बिगर तेंगना ही एन्ने ब'आ पोलदस का, “येसुस दिम उर्बस हिकदस।”

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

1 पतरस 2:7

आसिन पत्त'ऊ निमा गे आ पखना कोड़हे मईन ही र'ई। लिकिन आसिन मल पत्त'उर गे नेम्‍हा पुथी एन्ने ब'ई का, “एड़पा कम'उर एका पखनन अनभनियाँ बाचर ती ताँड़चका चिच्काचर आदिम कोंड़ा ही कुक्कु पखना मंजा।”

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

1 यॊहन 5:6

येसु मसीस अम्मु नू नॊड़रस ती अरा क्रुस नू तंग्है ख़ॆंसन बहाबाचका ती धर्मेसी ख़द्दस एन्ने दहदर मन्तारस। अम्मु ती लेका मला लिकिन अम्मु अरा ख़ॆंस ती आस दहदर मन्तारस। ईद मानिम एन्ने नेम्हा बॊलतस हूँ गोवाह चि'अदस, एन्देरगेका बॊलतस सगरो मानिमन ब'अदस।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”