यॊहनस 16:11 - पुना गच्छरना NT (BSI)

¹¹ अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 16:11 ပူးပေါင်းရင်းမြစ်များ

मत्तायोस 12:18

“ऎरा, इसन एंग्‍है जॊंख़स, ईसिन ऎन चज्‍जिका र'अदन। ईस एंग्‍है चोन्‍हास एकासी ती एंग्‍है जिया रिझ्र'ई। एंग्‍है बॊलतन आसी नू सज'ओन, अरा आस उर्मी जातियर नू एंग्‍है नेंवई ही हला तेंगोस।

मत्तायोस 12:36

अरा ऎन निमन ब'अदन, एका एका अनभनियाँ कत्‍था आलर कछनख्र'ओर रायबड़ी उल्‍ला नू आर गे अबड़ा उर्मी कत्‍था ही लेखा चि'अना दिम मनी।

लू‍कस 10:18

येसुस आरिन बाचस, “ऎन सैतान आबोन बिल्‍चत'अना लेक्‍खा मेर्ख़ा ती खत्तरनन ईरकन।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 16:12

ऎन निमन तेंगा गे ढ़ॆर कत्‍था र'ई, लिकिन नीम अक्‍कु अदन सह'आ पोल्‍लोर।

त‍इरकर 10:42

अरा आस एमन पॆसस का ऎम आलारिन तेंगोम अरा गोवाह चि'ओम का धर्मेस आसिन उज्‍जना आलर अरा केचका आलर ही नेंव‍ई ननू कमचकादस।

त‍इरकर 24:25

पौलुस उजगो अरा कयास अरा बरना रायबाडी ही पत्त नू तेंगा लगियस। ख़ने फॆलिक्‍स गे इल्‍चिक'आ कोरचा अरा आस बाचस, “अक्‍कुन गा नीन काला ओंग्‍दय, मोका ख़क्‍ख्र'ओ, ऎन निंगन फेनिम मॆख़ोन।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 16:20

कोड़े ही धर्मेस लॆम सैतान आबोन निम्‍है ख़ेड्डे किइय्या गेंजत'ओस चि'ओस। नम्‍है उर्बस येसु मसीसी मया निम्‍है म‍इय्याँ मन्‍तेम र'ओ।

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

कोलोस्से 2:15

ई लेक्खम धर्मेस अक्स'ऊ अरा अदिया उइय्यू मलदौ बॊलता गुट्ठी ही सवंगन ओथ्रस चिच्चस। अरा मसीस क्रुस नू केच्चस ती धर्मेस अबड़न जितचस ती अबड़ा सवंग मलका एन्ने ख़ॆख़ेल गे ऎदस।

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!