यॊहनस 15:8 - पुना गच्छरना NT (BSI)

⁸ नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

यॊहनस 15:8 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

मत्तायोस 5:44

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

यॊहनस 13:35

नीम एन्ने ओर्त ओर्त गने चोन्‍हा ननोर होले, ओर्मा आलर अख़'ओर का नीम एंग्‍है चेलर हिकदर।”

यॊहनस 15:5

ऎनिम अंगुर ख़ोप्‍पा हिकदन, नीम गा लड़ंग गुट्ठी हिकदर। एकास एंग्‍है नू बन्चका र'अस अरा ऎन आस नू बन्चका र'अदन होले, आस नगदे ख़ंजपा चि'ओस, एन्‍देरगेका एंगन अम्‍बरकी नीम एन्‍देर हूँ नना पोल्‍लोर।

यॊहनस 8:31

तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

1 कोरिन्‍थ 10:31

औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

तीतुस 2:10

आर अम्‍बोर ख़ड़'आ नुड़'आ, लिकिन उर्मी कत्‍था नू असरा जॊगे अरा दौ ऎथ्रत'अना मनोर। होले आर नम्‍है बछाब'ऊ धर्मेसी पत्त ता सिखाब'अना बॆस कोड़े र'ई इदिन ऎद'ओर।

तीतुस 2:5

अरा नॆत नॆग अरा निमन ती र'आ गे ‍अंगियाब'आ ओंगनर। तम्‍है एड़पा नलख नू कमियाँ मना गे, अरा बॆस नलख नना गे ‍अंगियाब'आ ओंगनर। अरा मॆतारिन गदन‍'ऊ र'आ गे ‍अंगियाब'आ ओंगनर, होले आलर धर्मेसी कत्‍था ही बिड़दो नू मल ब'ओर।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।