यॊहनस 15:7 - पुना गच्छरना NT (BSI)

⁷ नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 15:7 ပူးပေါင်းရင်းမြစ်များ

मत्तायोस 7:7

धर्मेस ती ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

यॊहनस 14:13

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 16:23

अरा आउला नीम एंगन एन्‍द्रन हूँ मेना गे चाड़ मल र'ओ। ऎन निमन मानिम ब'अदन, एंग्‍है नामे ती नीम एन्‍द्र'आनिम बंगस गुस्‍ते ने'ओर, अदिन आस निमा गे चि'ओस।

यॊहनस 8:31

तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

यॊहनस 8:37

ऎन अख़दन का नीम अब्राहमसी बनस हिकदर, अन्नु हूँ नीम एंगन पिटा गे बेद्ददर, एन्‍देरगेका नीम एंग्‍है सिखाब'अनन मल इंझ्रदर।

गलातिया 4:2

लिकिन बंगासी ओक्‍ताचका बेड़ा अंड़सना गूटी ख़ापुर अरा ईरू-ख़ूजू आलर ही तबे नू र'अदस।

गलातिया 5:16

औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 यॊहन 2:14

अना चोन्हा ख़द्दारो, नीम धर्मे बंगासिन अक्का र'अना ती ऎन निमा लिखदन। अना बंगारो, एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, नीम पत्त'अना नू बड़ियर र'अना ती, अरा धर्मेसी कत्था निम्है जिया नू मड़चकी र'अना ती, अरा मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 2:27

लिकिन निमा गे नेम्हा बॊलतस ख़क्ख्रका र'अदस, आस निम्है नू र'अदस। औंगे एकअम आलर ही सिखाब'अना निमा गे चाड़ मलकी। निमा एन्द्रन अख़'आ गे चांड़ र'ई अबड़ा उर्मिन नेम्हा बॊलतस निमा गे सिखाब'अदस। आसी सिखाब'अना मानिम र'ई, ठकवा मल्ली। औंगे आसी सिखाब'अना लेक्खा नीम मसीस नू बन्चका र'आ।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।

1 यॊहन 5:14

अरा धर्मेसी मुन्दहारे बर'आ गे नमा गे र'अना डिढ ईदिम र'ई का, नाम आसी मने लेक्खा इन्द्रिइम ने'अदत ख़ने, आस नम्है गोहरारनन मेन्दस।