यॊहनस 15:5 - पुना गच्छरना NT (BSI)

⁵ ऎनिम अंगुर ख़ोप्‍पा हिकदन, नीम गा लड़ंग गुट्ठी हिकदर। एकास एंग्‍है नू बन्चका र'अस अरा ऎन आस नू बन्चका र'अदन होले, आस नगदे ख़ंजपा चि'ओस, एन्‍देरगेका एंगन अम्‍बरकी नीम एन्‍देर हूँ नना पोल्‍लोर।

यॊहनस 15:5 ပူးပေါင်းရင်းမြစ်များ

मत्तायोस 13:21

अन्नु हूँ तंग्‍‍है जिया नू गड्डी गूटी कत्‍था मल खुपना चड्डे आस जुक्‍किम उल्‍ला गे कत्‍थन पत्त'अदस। अरा सस्‍ती महले कत्‍थन पत्त'अना ही चड्डे आस म‍इय्‍याँ सतारना बरना बेड़ा आस कत्‍था ती पत्त'अनन लॆम अम्‍बदस।

यॊहनस 12:24

ऎन निमन मानिम ब'अदन, गहूँ ही दना ख़ज्‍ज नू खत्रना ती अरगी खे'अना गूटी ओन्‍टे गुना र'ई, लिकिन खि'ई क'ई होले, नगदे ख़ंजपा चि'ई।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 9:33

आस धर्मेस तरती मल र'अना होले, आस एन्ने एन्‍देर हूँ नना पोल्‍लोस दने।”

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

रोमी 7:4

ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

1 कोरिन्‍थ 10:16

आ आसीस ही डुभा, एकाद गे नाम धर्मेसिन धन्‍यवाद नन्‍दत, आद ती नाम मसीसी ख़ॆंसन ख़ट्टर'आलदत। अरा आ असमा, एकदन नाम किच्‍चदत, आद ती मसीसी मॆदन नाम ख़ट्टर'आलदत।

1 कोरिन्‍थ 12:12

एकासे का आलर ही मॆद ओन्‍टा र'ई, अन्नु हूँ अदही कैनो गोटंग अंग मनी। अरा उर्मी अंग कैनो गोटंग र'ई, अन्नु हूँ ओन्‍टा मॆद मनी काली। एन्ने लेक्‍खम मसीस हूँ र'अस।

1 कोरिन्‍थ 12:27

अक्‍कुन नीम ओर्मर मेस्र'अरकी मसीसी मॆद हिकदर, अरा निम्‍है ती ओर्त ओर्त आसी मॆद ही ओन्‍टा ओन्‍टा अंग हिकदर।

2 कोरिन्‍थ 13:8

एन्देरगेका ऎम मानी ही बिड़दो एन्‍देर हूँ नना पोल्‍लोम, लिकिन मानी गेम उर्मिन नना ओंगोम।

2 कोरिन्‍थ 9:10

धर्मेस दिम चाँख़'उर गे बिहनी अरा ओना-मॊख़ा गे ओन्ना-मॊख़नन चि'अदस। अन्नेम आस निमा चाड़ ही बिहनी चि'ओस ती अदिन पर्द'आ गे ननोस, अरा निम्है नू हरग जिया ती दान चि'अना ही कोड़हे ख़ंजपन कुन्द्रत'ओस।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 4:13

एंगा पया चि'ऊ मसीस ती ऎन उर्मिन नना ओंग्दन।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

1 पतरस 2:4

नीम गा मसीस गुसन बर'आ, एकास धर्मेसी मन्दिर ही उज्जना पखना हिकदस। आस आलर ती तरकूटी नन्तारकादस, लिकिन धर्मेस ती चाजरका अरा आस ती कोड़हे मईन ख़क्ख्रका र'अस।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।