यॊहनस 15:27 - पुना गच्छरना NT (BSI)

²⁷ अरा नीम हूँ एंग्‍है पत्त नू गोवाह चि'अना र'ई, एन्‍देरगेका ऒड़ तिम नीम एंग्‍है गने रहचकादर।

यॊहनस 15:27 ပူးပေါင်းရင်းမြစ်များ

मरकुस 1:1

ईद धर्मेसी ख़द्दस येसु मसीसी दौ कत्‍था।

लू‍कस 24:48

नीम इबड़ा कत्‍था ही गोवाह हिकदर, एकदन नीम एंग्‍है ती मेंजकर अरा ईरकर।

यॊहनस 19:35

(एकास इदन ईरियस आस गोवाह चि'अदस, अरा आसी गोवाह मानिम र'ई। आस अख़दस का आस मानिम ब'अदस। नीम हूँ पत्त'आ गे दिम आस इदन गोवाह चि'अदस।)

यॊहनस 21:24

आ चेलस दिम इबड़ा कत्‍था ही पत्त नू गोवाह चि'अरकी इबड़ा कत्‍थन लिखचस। ऎम अख़दम का आसी गोवाह मानिम र'ई।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 13:31

अदही ख़ॊख़ा आस नगदे उल्‍ला गूटी नॆ आसी पिटरना ही मुन्द आसी गने गलिलेया ती येरुसलॆम बरचका रहचर आर गे ऎथ्र'आ लगियस। अक्‍कु आरिम आलर ही मुन्‍दहारे आसी गोवाह र'अनर।

त‍इरकर 18:5

मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 4:20

एन्‍देरगेका ऎम एन्‍दरन ईरकादम अरा मेंजकादम अदही पत्त नू मल तेंगना एम्‍है ती मल मनो।”

त‍इरकर 4:33

त‍इरकर कोहाँ सवंग गने आलारिन तम्‍है गोवाह आबोन तेंगा लगियर का उर्बा येसुस मानिम नू केचका ती उज्‍जा चॊचस। अरा अबड़ा ओर्मर म‍इय्याँ धर्मेसी कोड़हे मया रहचा।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

दहदर मंजका कत्‍था 1:2

यॊहनस धर्मेसी कत्‍था ही पत्त नू अरा येसु मसीसी गोवाह ही पत्त नू तान ईरका उर्मी ही गोवाह चिच्‍चस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।