यॊहनस 15:24 - पुना गच्छरना NT (BSI)

²⁴ एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 15:24 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 21:32

एन्‍देरगेका यॊहनस गा उज्‍जा गे उजगो डहरेन ऎद'आ गे निम्‍है गुसन बरचस। आसिन नीम मल पत्ताचकर, लिकिन ऊज'उर अरा खिल्डिर आसिन पत्ताचर। अन्‍ति नीम इदिन ईरकर ती ख़ॊख़ा हूँ आसिन पत्त'आ गे मल पस्‍तारकर।

मत्तायोस 9:33

औंगे येसुस नादन ओथ्रस। ख़ने आ कोन्‍दस कच्‍छनख्र'आ हेलरस। ख़ने गोंहड़ा अनचकरा केरा अरा बाचा, “इस्राऎल नू इकला हूँ एन्ने अकबक नलख मल्‍ला मंजका।”

मरकुस 2:12

आ आलस लॆम चॊचस अरा खटिन चेड्‍डस अरा ओर्मर ही ऎथ्रना नू बहरी ईकनुम केरस। ओर्मर अनचकरर केरर, अरा धर्मेसी ओहमा नंजर अरा बाचर, “नाम एन्ने एन्‍द्रा हूँ मल ईरका रहचकत।”

लू‍कस 24:19

अरा आस आरिन मेंजस, “एन्‍देर कत्‍था?” आर बाचर, “नासरेत ता येसुसी पत्त नू। आस धर्मेसी अरा ओर्मा आलर ही मुन्‍दहारे नलख नू अरा ब'अना नू कोड़हे सवंगिय धर्मेसी कत्‍था तिंगुस रहचस।

यॊहनस 10:32

लिकिन येसुस आरिन बाचस, “ऎन एम्‍बस तरती कैनो गोटंग कोड़हे अजगुत नलख गुट्ठिन निमा गे ऎदकन। अबड़ा ती एका नलख गे नीम एंगन लोड़ग'आ बेद्ददर?”

यॊहनस 10:37

एम्‍बस नन्‍दस आ नलखन ऎन मल नन्‍दन होले, एंगन अमा पत्त'आ।

यॊहनस 12:10

औंगे मुध नैगर लाजरसिन हूँ पिटा गे चिताबुता नंजर।

यॊहनस 12:45

अरा नॆ एंगन ऎरदस आस एंग्‍है तइय्‍युसिन ऎरदस।

यॊहनस 14:9

येसुस आसिन बाचस, “फिलिप्‍पोस, ऎन एन्ने उल्‍ला गूटी निम्‍‍है गने रहचकन, अन्नु हूँ अक्‍कु गूटी नीन एंगन बलकय का? नॆ एंगन ईरकादस, आस बंगासिन हूँ ईरकादस। होले नीन एन्‍देरगे ब'अदय, ‘बंगासिन एमन ऎद'आ’?

यॊहनस 15:21

नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

यॊहनस 15:22

ऎन मल बरचका अरा आरिन धर्मेसी कत्थन मल तिंका रहचकन होले, पाप ही बदी आर ही म‍इय्याँ मल लग्‍गो दने। लिकिन आर गे अक्‍कु तम्‍है पाप गे एन्‍देर नंगु हूँ तेंगा पोल्‍लोर।

यॊहनस 15:23

नॆ एंगन हींड़दस, आस एंग्‍है बंगासिन हूँ हींड़दस।

यॊहनस 16:9

आर एंगन मल पत्त'अना ती पाप ही पत्त नू आस तेंगोस।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 5:36

एंगा यॊहनसी गोवाह ती कोहाँ गोवाह एंग्‍है सिखाब'अना अरा एंग्‍है हैकट नलख हवे। धर्मे बंगस इबड़ा नलखन नन्ना ती मुंजा गे एंगा चिच्‍चस, अरा अबड़ा पुरुब नन्‍ती का आस एंगन त‍इय्कादस।

यॊहनस 6:36

ऎन निमन मुन्‍द तिंकादन का नीम एंगन ईरकादर, अन्नु हूँ एंगन मल पत्त'अदर।

यॊहनस 7:31

लिकिन ख़ॊंड़रका आलर ती बग्‍गेर आसिन पत्ताचर। अरा अबड़र बाचर, “मसीस बरदस ख़ने, आस ई आलस नंजका ती कोड़हे अजगुत नलख ननोस का?”

यॊहनस 9:32

ख़ॆख़ॆल ही ऒर ती नॆ हूँ इकला हूँ एन्ने म‍ल्‍ला मेन्‍द्रका का नेकइम कुन्‍द्रका ती अन्धहा आलासिन कोड़े नंजस।

यॊहनस 9:41

येसुस आरिन बाचस, “नीम अन्धहा रहचकर होले, नीम पाप ही बदी नू मल र'ओर दने। लिकिन नीम ब'अदर का ‘ऎम ऎरा ओंग्‍दम,’ औंगे निम्‍है पाप ही बदी निम्‍है म‍इय्याँ र'ई।”

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

रोमी 1:30

अरा निंदा नन्नर। अरा आर धर्मेसिन ख़ाँड़नर। अरा आर नन्नारिन कोड़े मल ब'उर र'अनर। अरा आर इतरार'ऊ अरा कोहाँ कोहाँ फुल‍ई मनू आलर र'अनर। अरा आर मलदौ मलदौ कत्‍था कम'ऊ र'अनर। अरा आर तंग्यो तम्‍बा ही पॆसकन मल मेन्नर।

2 तीमोथियुस 3:4

अरा आर दगा चि'ऊ, हुड्ड ननू, मनचड़हा, अरा धर्मेसिन मला लिकिन सुख-सौंरतन दिम बिद्दू मनोर।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।