यॊहनस 15:21 - पुना गच्छरना NT (BSI)

²¹ नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

यॊहनस 15:21 ပူးပေါင်းရင်းမြစ်များ

मत्तायोस 10:18

अरा नीम राजीखापुर अरा बॆलर ही मुन्‍दहारे इजतार'ओर। लिकिन ईद आर गे अरा नन-यहूदीर गे एंग्‍है पत्त नू तेंगा गे निमा मोका हवे।

मत्तायोस 10:22

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

मत्तायोस 10:39

एकास तंग्‍‍है उज्‍जनन तंग्‍गा गे उज्‍जा बेद्ददस आस धर्मेस गने जनमजुग ही उज्‍जनन एबस'ओस, लिकिन एकास एंग्‍है चड्डे तंग्‍‍है उज्‍जनन चि'अदस आस धर्मेस गने जनमजुग ही उज्‍जनन ख़क्‍खोस।

मत्तायोस 24:9

आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

मत्तायोस 5:11

एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।

मरकुस 13:13

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर आरिम जनमजुग ही दंडे ती बछर'ओर।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

लू‍कस 21:17

नगदे आलर निमन बिड़दो ननोर, एन्‍देरगेका नीम एंग्‍है गने चॊंख़्रकर।

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 16:3

आर इबड़न इदगे ननोर, एन्‍देरगेका आर बंगासिन हूँ बलनर अरा एंगन हूँ बलनर।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 8:19

तहाँ आर येसुसिन मेंजर, “एसन र'अस निम्‍बस?” ख़ने आस बाचस, “नीम ऎन नॆ हिकदन महले एम्‍बस नॆ हिकदस अदिन बलदर। लिकिन नीम एंगन अक्कर होले, एम्‍बासिन हूँ अख़'ओर दने।”

यॊहनस 8:54

येसुस आनाकिर्ताचस, “ऎन ऎनिम एंगन म‍ईन ननोन होले, एंग्‍है म‍ईन एन्‍देर हूँ मल्‍ली। लिकिन एंगन म‍ईन ननुस एम्‍बस हिकदस, अरा नीम ब'अदर आस निम्‍है धर्मेस।

यॊहनस 8:55

अरा नीम आसिन मानिम नू बलकर, लिकिन ऎन आसिन अख़दन। अन्नु हूँ ऎन आसिन बलदन ब'ओन होले, ऎन हूँ निम्‍है लेक्‍खा ठकवा मनोन। लिकिन ऎन आसिन अख़दन, अरा आसी कत्‍थन पॆस्रदन।

त‍इरकर 17:23

ऎन कुद्दनुम नुंगनुम निम्‍है महबा नन्ना आलॊन ऎरा लिक्‍कन, ख़ने एंगा ओन्‍टा एन्ने गोड़हा ख़क्‍खरा, अइय्या लिख्रकी रहचा का ‘बलना धर्मेस गे।’ नीम बलना नू एका धर्मेसी महबा नन्‍दर, आ धर्मेसी पत्त नू दिम ऎन निमन तेंगदन।

त‍इरकर 26:9

ऎन हूँ गा नासरेस ता येसुसी नामे नू एंगा उर्मी तरती कोड़हे बिड़दो नन्ना र'ई एन्ने मुन्‍द सोच'आ लिक्‍कन।

त‍इरकर 3:17

भ‍ईरो! ऎन अख़दन का नीम अरा निम्‍है मुद्धर तम्‍है बल्‍लना ती इदिन येसुस गे नंजर।

त‍इरकर 4:17

अन्नु हूँ आलर नू इदही बींड़रना अम्‍बो मना, इदगे नाम ईरिन डंट'ओत का अक्‍कु ती येसुसी नामे ती नॆकन हूँ एन्‍देर हूँ अमके ब'आ।”

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

त‍इरकर 9:14

आस इसन हूँ एकार निंगन ऒड़ लग्‍गनर आरिन हें'आ हो'आ गे मुध नैगर तरती अदिया ख़क्‍खकादस।”

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

1 कोरिन्‍थ 2:8

लिकिन इदन ई ख़ॆख़ेल ता राजी ननुर नॆ हूँ बल्‍लर। आर अक्‍का होले महबा ती निन्‍द्रका उर्बासिन क्रुस नू मल ठोक'ओर दने।

2 थेस्‍सलोनिकॆयर 1:8

आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

3 यॊहन 1:7

एन्देरगेका आर मल पत्त'ऊ आलर ती इन्द्रिइम संगरा मल हो'अनर ती उर्बासी चड्डे उरखका र'अनर।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।