यॊहनस 15:20 - पुना गच्छरना NT (BSI)

²⁰ एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 15:20 ပူးပေါင်းရင်းမြစ်များ

मत्तायोस 10:24

चेलस तंग्‍है गुरुस ती कोहाँ मलदस अरा जॊंख़स तंग्‍है उर्बस ती कोहाँ मलदस।

मरकुस 10:39

आर आसिन बाचर, “ऎम ओंगोम।” ख़ने येसुस आरिन बाचस, “हाँ ऎन अख़दन का ऎन एका रकम सस्‍ती सह'‍ऊ र'अदन अन्ने सस्‍ती नीम सह'आ ओंग्दर, अरा एका रकम ऎन खिऊ र'अदन अन्ने खे'आ नीम ओंग्दर।

लू‍कस 2:34

फिन सुमेयॊनस आर गे आसीस चिच्‍चस, अरा तंगियो मरियम आबोन बाचस, “ऎरय, धर्मेस ई ख़द्दासिन इस्राऎल नू बग्‍गे आलारिन धर्मेस ती खत्तरत'आ गे अरा बग्‍गे आलारिन खुसमारत'आ गे चज्‍जियस। ईस धर्मेस ती ओन्‍टा चेताब'अना ही चिन्‍हा र'ओस, लिकिन बग्‍गे आलर ईसिन हींड़'ओर।

लू‍कस 6:40

चेलस तंग्‍है गुरुस ती कोहाँ मलदस। लिकिन एकास पखड़ मनोस आस गुरुस लेक्‍खा मनोस।

यॊहनस 10:31

फेनिम यहूदीर येसुसिन लोड़ग'आ पिटा गे पखना पेत्तर।

यॊहनस 11:57

लिकिन मुध नैगर अरा फरिसीर पॆसका चिच्का रहचर का निक‍ईम येसुस एसन र'अस एन्‍ने अख़दस होले, आस आर गे तेंग्‍ना दिम र'ई। ख़ने आर आसिन हें'आ ओंगोर।

यॊहनस 13:16

ऎन निमन मानिम ब'अदन, जॊंख़स तंग्‍है उर्बस ती कोहँस मलदस, अरा तइरकस आसिन तइय्युस ती कोहाँ मलदस।

यॊहनस 5:16

इबड़ा नलख गुट्ठिन येसुस ख़न्न ऎख़्रना उल्‍ला नू नंजका ती, यहूदी मुद्धर आसिन डाहा हेलरर।

यॊहनस 7:32

फरिसीर असन ख़ॊंड़रका आलर आसी पत्त नू इबड़ा कत्‍थन टुरुफुसरनन मेंजर। ख़ने मुध नैगर अरा फरिसीर जोक्‍क धर्मेसी मन्दिर ख़ापू सैनारिन आसिन हें'आ गे तइय्यर।

यॊहनस 8:51

ऎन निमन मानिम ब'अदन, नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।”

यॊहनस 8:52

ख़ने यहूदीर आसिन बाचर, “ऎम अक्‍कुन अक्‍कम का नीन नाद ती रस्‍का आलय हिकदय। अब्राहमस केच्‍चस अरा धर्मेसी कत्‍था तिंगुर हूँ केच्‍चर। लिकिन नीन ब'अदय का ‘नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।’

यॊहनस 8:59

इदन मेंजर ती आर आसिन लोड़ग'आ गे पखना गुट्ठी पेत्तर। लिकिन येसुस नूख़्रस ती धर्मेसी मन्दिर ती गुच्‍छरस केरस।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

1 कोरिन्‍थ 4:12

अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

2 कोरिन्‍थ 4:9

पेदख़तारदम, लिकिन धर्मेस ती मल मॊधतारदम, लौतारदम, लिकिन मल नठारदम।

1 थेस्‍सलोनिकॆयर 2:15

आरिम उर्बा येसुसिन अरा धर्मेसी कत्‍था तिंगुरिन पिटियर। अरा एमन हूँ खिलपत नंजर। अरा आर धर्मेसिन मल रिझाब'अनर अरा ओर्मारिन हींड़नर।

2 तीमोथियुस 3:12

मानिम नू नॆ मसी येसुस नू महबा गने उज्‍जा बेद्दनर आर ओर्मर सताबातार'ओर।