यॊहनस 15:2 - पुना गच्छरना NT (BSI)

² एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

यॊहनस 15:2 ပူးပေါင်းရင်းမြစ်များ

मत्तायोस 13:12

एन्‍देरगेका नॆ एंग्‍है सिखाब'अना ही पत्त नू चिहुंक लग्‍गे सोचनर आर गे बग्‍गे बुझुर'आ गे धर्मेस संगरा ननोस, अरा आर बग्‍गे लूर ख़क्‍खोर, लिकिन नॆ एंग्‍है सिखाब'अना ही पत्त नू चिहुंक लग्‍गे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।

मत्तायोस 13:33

येसुस अउर ओन्‍टा जोक्‍खा ख़ीरी तिंगियस। “मेर्ख़ा राजी बिदगी लेक्‍खा र'ई। अदिन ओर्त आली कटी गुना होच्‍चा ती तीन तामी गुंडा नू लिंडया, ई लेक्‍खा आद उर्मी तिस्‍सा मंजा केरा।”

मत्तायोस 15:13

येसुस किर्त'अर बाचस, “एकाद एंग्‍है मेर्ख़ा बंगस मल्‍ला इदका उर्मी ख़ोप्‍पा चड़तार'ओ।

मत्तायोस 21:19

डहरे नू ओन्‍टा अंजीर मन्‍नन ईरयस ती आस अदही गुसन केरस। लिकिन अइय्या अतख़न अम्‍बर एन्‍दरन हूँ मल ख़क्‍खियस ती अदिन आनियस, “अक्‍कु ती इकला हूँ मल ख़ंज'ओय!” अरा अंजीर मन्न लॆम ख़इय्या केरा।

मत्तायोस 25:29

एन्‍देरगेका नॆखअय गुसन र'ई आस गे अउरिम चीतार'ओ अरा आसी गुसन बग्‍गे मनो कालो। लिकिन नॆखअय गुसन मल्‍ला आसी गुसले एकदा र'ई आद हूँ होतार'ओ कालो।

मत्तायोस 3:10

अक्‍कु सुरता नना का धर्मेसी रायबड़ी लेक्‍खा टोंग'ए मन्न ही पादा नू अबड़न खंडा गे उईर ख़च्चरकी र'ई। एका मन्न दौ ख़ंजपा मल ख़ंज‍ई अबड़न खंडरकी चिच्‍ची नू सजतार'ओ।

मत्तायोस 3:12

आस तंग्‍है के‍तेर ती गहूँ अरा चींख़न बेग'ओस, अरा आस तंग्‍है खलिन बॆस लगे एर्रोस। अरा आस गोट गहूँन कुट्ठी नू उइय्योस, अरा चींख़न चिच्‍ची नू बस्‍सोस एकदा इकला हूँ मल तेभर'ओ।”

मत्तायोस 7:19

औंगे एका मन्न ठोस ख़ंजपा मल ख़ंज'ई आद तार्रर'ई ती चिच्‍च नू सज्र'ई।

मरकुस 4:20

लिकिन जोक्‍क आलर उपजा ख़ॆख़ेल लेक्‍खा हिकनर। आर धर्मेसी कत्‍थन मेन्नर अरा इंझ्रनर ती आर एन्‍देर नना गे धर्मेस बेद्ददस अदिन नन्नर। आर बॆस ख़ोप्‍पा लेक्‍खा तीस गुना अरा साट गुना अरा सौ गुना ख़ंजपा चि'अनर।”

लू‍कस 8:13

जोक्‍क आलर बिहनी खत्रका पखनोरी ख़ॆख़ेल लेक्‍खा हिकनर। आर कत्‍थन मेन्नर ती रिझ्रनुम इंझ्रनर। लिकिन आर तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर अरा सस्ती बर'ई ख़ने अदिन लॆम अम्‍बनर।

यॊहनस 15:1

येसुस तंग्है चेलारिन बाचस, “ऎन मानिम अंगुर ख़ोप्‍पा हिकदन, अरा एम्‍बस बटकी उर्बस।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:3

नीम गा ऎन निमन बाचका कत्‍था गुट्ठी ती मुन्‍द दिम छटका अरा सफा मंजकादर।

यॊहनस 15:6

नीकईम एंग्है नू मल बन्चका र'ओस होले, आस खंडरकी हेबड़्रका ख़ैका लड़ंग बेसे र'अस। एन्ने लेक्‍खा लड़ंग गुट्ठिन आलर ख़ोजनर ती चिच्‍ची नू झपाब'अनर ती बस्‍सनर चि'अनर।

यॊहनस 15:8

नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

रोमी 11:17

दौ जैतून मन्न ती जोक्‍क डाड़न एस'अरकी तरकूटी नन्‍तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्‍जना ही रासी ही हिसा मंजकर।

रोमी 11:22

औंगे धर्मेसी सोग्‍गे ऎदरना अरा बेड़हा सुबहन नीम सोच'आ। मल मनना ती खत्रका आलर म‍इय्याँ आसी सुबहा बेड़हा मनी, अरा नीम आसी सोग्‍गे म‍इय्याँ असरा नन्‍तेम ‍र'अदर होले आस निमन सोग्‍गे ऎरदस। मला होले नीम हूँ खंडत'अरकी तरकूटी नन्‍तार'ओर क'ओर।

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

1 कोरिन्‍थ 13:1

ऎन आलर ही भखा गुट्ठिन अरा मेर्ख़ा पैकर ही भखा गुट्ठिन कछनख्रदन, लिकिन एंग्‍है नू चोन्‍हा मलकी होले, ऎन ठिंन ठिंनरना पितल अरा झनझनरना झाँझ लेका हिकदन।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

1 यॊहन 2:19

आर नम्है कलीसिया गुट्ठी तिम उरखर, लिकिन मानी नू आर नम्है खोंड़हा ता मल रहचर। आर नम्है मधे ता आलर होले, नम्है गने बन्चका र'ओर दनेस। लिकिन आर नम्है ती उरखर केरर, इत्रु ती ईद फरी ईथर'ई का अबड़ा ओर्मर ती नॆ हूँ नम्है मधे ता मलनर।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।