यॊहनस 15:16 - पुना गच्छरना NT (BSI)

¹⁶ नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:16 ပူးပေါင်းရင်းမြစ်များ

मत्तायोस 21:22

अरा उर्मिन नीम पत्त'आनुम निम्‍है गोहरारना नू ने'ओर, अबड़ा उर्मी निमा ख़क्‍ख्र'ओ।”

मत्तायोस 7:7

धर्मेस ती ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

लू‍कस 6:13

अरा बिज्‍जिया ख़ने आस तंग्‍है चेलारिन मीख़ियस अरा आर ही ती बारा गोटंग आलारिन चज्‍जियस अरा आर गे तइरकर नामे चिच्‍चस।

यॊहनस 13:18

ऎन नीम ओर्मर ही पत्त नू मल ब'अदन। ऎन अख़दन का ऎन नॆकन नॆकन चज्जिकादन। लिकिन ईद इदगे मनी का नेम्‍हा पुथी नू लिख्रका कत्‍था मन्ना र'ई, ‘एकास एंग्हा गने मोक्‍खस आस दिम एंग्‍है बिड़दो मंजकादस।’

यॊहनस 15:19

नीम ख़ॆख़ेल ता रहचकर होले, आद निमन तंग्‍है ब'अरकी निम्‍है गने चोन्‍हा नंजकी र'ओ दने। लिकिन नीम ख़ॆख़ेल ता मलदर, एन्‍देरगेका ऎन निमन ख़ॆख़लन अम्‍बा ती बर'आ गे चज्जिका र'अदन, ख़ने ख़ॆख़ेल निमन हींड़'ई।

यॊहनस 15:5

ऎनिम अंगुर ख़ोप्‍पा हिकदन, नीम गा लड़ंग गुट्ठी हिकदर। एकास एंग्‍है नू बन्चका र'अस अरा ऎन आस नू बन्चका र'अदन होले, आस नगदे ख़ंजपा चि'ओस, एन्‍देरगेका एंगन अम्‍बरकी नीम एन्‍देर हूँ नना पोल्‍लोर।

यॊहनस 6:70

फेन येसुस आरिन बाचस, “ऎन नीम बरियोरिन चज्‍जिकन, अन्नु हूँ निम्‍है ती ओर्तोस मलदौ आलस हिकदस।”

त‍इरकर 1:24

अरा आर एन्ने बिन्‍ती नंजर, “अना उर्बायो, नीन ओर्मर ही मनेन अख़दय, इदिन दहदर नना का इबड़र ती नॆकन चज्जिकादय,

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 10:41

ओर्मा आलर गे मला, लिकिन नॆकन धर्मेस मुन्‍द तिम चज्जिका रहचस आ गोवाह गुट्ठिर गे आसिन दहदर नंजस। आ गोवाह ऎम हिकदम। आसी केचका ती उज्‍जा चॊचका ख़ॊख़ा ऎम आसी गने ओंडकम मोक्‍कम।

त‍इरकर 22:14

फेन आस बाचस, ‘नम्‍है पूरखर ही धर्मेस निंगन इदगे ओकताचकादस का, नीन आसी मने आबोन अख़'ओय, अरा एकास धर्मेसी उजगो र'अस आसिन ऎरोय अरा आसी ब‍ई ती आसी कत्‍था मेनोय।

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 15:4

ऎ बग्‍गे कत्‍था मुन्‍द लिख्रकी र'ई अबड़ा नमा सिख्र'आ गेम लिख्रकी र'ई। नेम्‍हा पुथी नमा गे कयास दरा रिझ्रनन चि'ई। होले नाम असरा नना ओंग्दत।

रोमी 9:21

एन्‍देर कुंमहरस गे अपन आकुस मल्‍ला का आस उनिम लोन्‍दा ख़ज्‍जो ती ओन्‍टा संजगी म‍ईन गे अरा ओन्टा बिगर महबा गे कम'ओस?

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

गलातिया 1:15

लिकिन धर्मेस एंगन अयंग ही ओदर तिम चज्‍जिकाचस अरा तंग्‍है मया नू मीख़काचस।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

2 तीमोथियुस 1:11

ई दौ कत्‍था गे ऎन दौ कत्‍था तिंगू, तइरका अरा सिखाब‍'ऊ उइरकन।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

तीतुस 1:5

ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।

इब्रानी 11:4

पत्त'अना ती हाबेलस कैनस ती बॆस दाँड़े धर्मेस गे अरगाचस। धर्मेस दिम आसी दान गुट्ठी ही पत्त नू दौ बाचस, ख़ने आस पत्त'अना ती आस उजगो आल एन्ने बॆस गोवाह ख़क्‍खियस। पत्त'अना ती हाबेलस केचका ख़ॊख़ा ती हूँ अक्‍कु गूटी आसी पत्त नू कछनख्रदत।

याकॊब 3:18

एकार ओर्त ओर्त गने सान्ति गने र'अरकी सान्ति गे नलख नन्नर, आर सान्ति ही बिहनी आबोन चाँख़रकी उजगो ही ख़ंजपन ख़क्खनर।

1 पतरस 3:15

लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।

1 पतरस 3:2

आर निम्है नेम्हा उज्जनन अरा नीम आर गे चि'अना मईन आबोन ऎरोर ख़ने, आर धर्मेस तरा किर्रा ओंगोर दने।

1 यॊहन 4:10

नाम धर्मेस मइय्याँ चोन्हा नंजका ती मला, आस नम्है मइय्याँ चोन्हा नंजका ती नम्है पाप गुट्ठिन ओथ्रना ही दाँड़े बेसे तंग्है ख़द्दासिन तइय्यस। ईदिम चोन्हा हवे।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।