15 निमन अक्कुन ती ऎन जॊंख़र मल ब'ओन, एन्देरगेका जॊंख़स बलदस का आसी उर्बस एन्देर ननालदस। लिकिन निमन ऎन संगेर बाचकादन, एन्देरगेका ऎन एम्बस ती मेंजका उर्मी कत्थन निमन मेन्ताचका र'अदन।
आस आनाकिर्ताचस, “निमा मेर्ख़ा राजी ही नूख्रका कत्था आबोन बुझ्र'आ गे चीरकी र'ई, लिकिन नन्नर गे ईद मल्ला चीरका।
ख़ने येसुस चेलर तरा पछली किर्रियस ती उछिन्त नू बाचस, “नीम एकाबड़न ऎरदर अदिन ईरू आलस आसीस ख़क्खू र'अदस।
नॆ एंगन सुस्र'आ बेद्ददस आस एंग्है गने चॊंख़्रदस नेकअन, अरा एसन ऎन र'ओन असन एंग्है जॊंख़स हूँ र'ओस। नॆ एंगन सुस्र'अदस, आसिन एम्बस मईन ननोस।
ऎन निमन मानिम ब'अदन, जॊंख़स तंग्है उर्बस ती कोहँस मलदस, अरा तइरकस आसिन तइय्युस ती कोहाँ मलदस।
एका कत्थन ऎन निमन तिंकन अदिन सुरता नना। जॊंख़स तंग्है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्है कत्थन पॆस्रर होले, निम्है कत्थन हूँ पॆस्र'ओर।
ऎन निमन तेंगा गे ढ़ॆर कत्था र'ई, लिकिन नीम अक्कु अदन सह'आ पोल्लोर।
अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्है मइय्याँ रहचका चोन्हा ईर ही मइय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”
येसुस अदिन बाचस, “एंगन अमय ऎसड़'अय, ऎन अक्कु गूटी बंगस गुसन मइय्याँ मल अरगकन। लिकिन कलय ती एंग्है भइय्योरिन तेंगय, ऎन एंग्है बंगस निम्है बंगस अरा एंग्है धर्मेस निम्है धर्मेस गुसन मइय्याँ अरगदन कालदन।”
आ आली बाचा, “उर्बायो! अक्कु ऎन अख़दन का नीन ओन्टा धर्मेसी कत्था तिंगू हिकदय।
ऎन निम्है पत्त नू तेंगा गे अरा नेंवई नना गे ढ़ॆर कत्था र'ई। एंगन तइय्युस मानिम र'अदस, आस गुसते ऎन एन्द्रन मेंजकन अबड़ा कत्थन लेका ख़ॆख़ेल नू तेंगदन।”
एन्देरगेका धर्मेस एन्द्रन नीम अख़'आ गे बिद्दियस अबड़ा उर्मिन ऎन निमा तिंकन।
ऎन एकदन नन्दन अदिन ऎन बुझुर'आ पोलदन। एन्देरगेका ऎन नना बेद्ददन अदिन मला, एकत्रु ऎन ख़ाँड़दन अदिनिम नन्दन।
एन्देरगेका नेम्हा पुथी नू बाचका लेक्खा, “उर्बस गे सिखाब'अना लेक्खा आसी जियन नॆ अक्की र'ई?” लिकिन नाम गा मसीस नन्ना लेक्खा सोच'ऊ आलत हिकदत।
अरा नीम गा धर्मेसी ख़द्दर हिकदर। धर्मेस तंग्दासी बॊलतन नम्है जिया नू तइय्कादस। औंगे आस चिच्चियारदस ती मॆख़दस “अना बबा, अना बंगायो।”
आस तंग्है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।
धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।
ई दौ कत्था दिम गम हिके, एकदा ऒर ती अरा परिया परिया ती नूख़ुरकी गा रहचा, लिकिन अक्कु आद आसी नेम्हा आलर गे दहदर मन्तारा।
लिकिन अक्कु आस बिट्ठी ननू जॊंख़ लेक्खा मला, बिट्ठी ननू जॊंख़ ती हूँ कोहँस, अरा चोन्हा भईस बेसे र'अदस। आस एंगा गे कोड़हे चोन्हा ही जॊगे र'अदस। लिकिन कोड़हे गा आस ओन्टा आल नता ती हूँ, अरा उर्बस नू ओन्टा भई नता ती हूँ आस निंगा गे अउर कोड़हे चोन्हा जॊगे र'अदस।
धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।
अरा ई लेक्खम, “अब्राहमस धर्मेसिन पत्ताचस, अरा धर्मेस ई पत्त'अना ती आसिन उजगो गनचस।” एन्ने नेम्हा पुथी नू बाचका कत्था पूरचा। अरा आस धर्मेसी सखी हूँ बारस।
मसीसी बॊलता आर ही नू रहचा, अरा आरिन तिंगिया का एकासे मसीस दुक्खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।
ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।
येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।
ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।