यॊहनस 15:10 - पुना गच्छरना NT (BSI)

¹⁰ ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 15:10 ပူးပေါင်းရင်းမြစ်များ

यॊहनस 10:18

अदिन नॆ हूँ एंग्‍है गुसते मल हो'अदस। ऎन अदिन एंग्‍है मने तिम चि'अदन। एंगा अदिन चि'आ गे हूँ अदिया र'ई, अरा अदिन फिन हो'आ गे हूँ अदिया र'ई। एम्‍बस एंगन पॆसका लेक्‍खा ऎन एन्नेम नन्‍दन।”

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 14:31

अन्नु हूँ ख़ॆख़ेल अख़ना र'ई का ऎन बंगासिन चोन्‍हा नन्‍दन, अरा एकन्ने बंगस एंगन पॆसस, अन्नेम ऎन नन्‍दन। गुचा, नाम इसलेक क'ओत।”

यॊहनस 17:4

नीन एंगा नना गे चिच्का नलखन नंजकन मुंजकन ती, ऎन इय्या ख़ॆख़ेल नू निंग्‍है महबन दहदर नंजकन।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 8:29

नॆ एंगन तइय्यस आस एंग्‍है गने र'अस। आस एंगन ओर्तेलेका मल्‍ला अम्‍बिका, एन्‍देरगेका एकदा आसिन खुसमारत'ई अदिनिम ऎन उर्मी उल्‍ला नन्‍दन।”

यॊहनस 8:55

अरा नीम आसिन मानिम नू बलकर, लिकिन ऎन आसिन अख़दन। अन्नु हूँ ऎन आसिन बलदन ब'ओन होले, ऎन हूँ निम्‍है लेक्‍खा ठकवा मनोन। लिकिन ऎन आसिन अख़दन, अरा आसी कत्‍थन पॆस्रदन।

1 कोरिन्‍थ 7:19

खतना मंजका ही हूँ, अरा खतना मल मंजका ही हूँ एन्‍देर हूँ मॊल मल्‍ला। धर्मेसी पॆसकन पॆस्रना दिम मॊल र'ई।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

2 पतरस 2:21

ईर उजगो उज्जना ही डहरेन अक्का ख़ॊख़ा तमा गे चितारका नेम्हा पॆसका गुट्ठी ती पछली किर्रना ती, ईर इकला हूँ उजगो उज्जना ही डहरेन बल्लुर रहचका होले, आद ईर गे कोड़हे बॆस रहचा दने।

1 यॊहन 2:3

नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

1 यॊहन 2:5

लिकिन एकास धर्मेसी कत्थन पॆस्रदस ती उज्जदस, आस ऎद्ददस का धर्मेस आसिन मानिम अरा बड़ियर लगे चोन्हा नन्दस। नाम धर्मेस नू र'अदत एन्ने ईद ती अख़दत।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

1 यॊहन 5:3

धर्मेसी पॆसका गुट्ठिन पॆस्रना दिम धर्मेसिन चोन्हा नन्ना हवे। अरा आसी पॆसका गुट्ठी ओत्था मलकी।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।