यॊहनस 14:7 - पुना गच्छरना NT (BSI)

⁷ नीम एंगन मानिम नू अक्‍का होले, एम्‍बासिन हूँ अख़'ओर दने। अरा अक्‍कु ती नीम आसिन अख़दर, अरा आसिन ईरका हूँ र'अदर।”

यॊहनस 14:7 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 16:3

आर इबड़न इदगे ननोर, एन्‍देरगेका आर बंगासिन हूँ बलनर अरा एंगन हूँ बलनर।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 17:26

अरा ऎन निंगन आर गे दहदर नंजकन, अरा अउर हूँ निंगन दहदर ननोन। नीन एंग्‍है म‍इय्याँ रहचका चोन्‍हा ईर ही म‍इय्याँ हूँ र'आ गे, अरा ऎन आर नू र'आ गे हूँ ऎन इदन ननोन।”

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 17:6

एका आलारिन नीन ख़ॆख़ेल ती एंगा चिच्‍कय, आर गे ऎन निंगन दहदर नंजकन। आर निंग्‍है दिम रहचर, आरिन नीन एंगा चिच्‍कय, अरा आर निंग्‍है कत्‍थन मनचर।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 6:46

नॆ धर्मेस तरती बरचकादस, आसिन अम्‍बरकी नॆ हूँ बंगासिन मल ईरका र'अनर।

यॊहनस 8:19

तहाँ आर येसुसिन मेंजर, “एसन र'अस निम्‍बस?” ख़ने आस बाचस, “नीम ऎन नॆ हिकदन महले एम्‍बस नॆ हिकदस अदिन बलदर। लिकिन नीम एंगन अक्कर होले, एम्‍बासिन हूँ अख़'ओर दने।”

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

1 यॊहन 2:13

अना बंगारो! एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।