यॊहनस 14:4 - पुना गच्छरना NT (BSI)

⁴ ऎन एसन कालदन आ अड्डा काना ही डहरेन नीम अख़दर।”

यॊहनस 14:4 ပူးပေါင်းရင်းမြစ်များ

लू‍कस 24:26

एन्‍देर ईद चाड़ मल रहचा का मसीस गे एन्ने इबड़ा खिलपतन चॊद'अरकी तंग्‍है महबा नू कोर'ओस?”

यॊहनस 10:9

ऎन दिम बली हिकदन। नॆ एंग्‍है नू मनरकी कोरदस, आस नाड़र'ओस। अरा आस भितरी बहरी कोर'ओस उरखोस अरा आस बने ओन्ना-मॊख़ना ख़क्‍खोस।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 13:3

येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।

यॊहनस 14:2

एम्‍बासी एड़पा नू ढ़ॆर बग्‍गे र'आ गे अड्डा र'ई, अन्ने मल रहचका होले, ऎन निमन बाचका र'ओन दने। ऎन असन निमा गे ओन्‍टा अड्डा सपड़'आ कालदन।

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

यॊहनस 14:5

तॊमस येसुसिन बाचस, “उर्बायो, नीन एसन कालदय ऎम बल्‍दम। होले अदही डहरेन ऎम एकासे अख़'ओम?”

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”