यॊहनस 14:31 - पुना गच्छरना NT (BSI)

³¹ अन्नु हूँ ख़ॆख़ेल अख़ना र'ई का ऎन बंगासिन चोन्‍हा नन्‍दन, अरा एकन्ने बंगस एंगन पॆसस, अन्नेम ऎन नन्‍दन। गुचा, नाम इसलेक क'ओत।”

यॊहनस 14:31 ပူးပေါင်းရင်းမြစ်များ

मत्तायोस 26:39

अरा आस कटी गुना मुन्‍द केरस। अरा आस ख़ॆख़ेल नू मुही पाब खत्रस ती बिन्‍ती नंजस, “एंग्‍है बंगायो, मना ओंगो होले, ई खिलपत एंगा अम्‍बो मना। लिकिन एंग्‍है मने लेक्‍खा मला, निंग्‍है मने लेक्‍खा मनन।”

मत्तायोस 26:46

चो'आ, क'ओत, ऎरा, एका ओर्तोस एंगन धर'आ गे संगे चि'अदस आस हेद्दे बर'आलदस।”

लू‍कस 12:50

एंगा सस्‍ती अरा खे'अना ही ओन्‍टा नॊड़रना हो'अना र'ई अरा अदही मन्ना गूटी ऎन खिलपत नू र'अदन।

यॊहनस 10:18

अदिन नॆ हूँ एंग्‍है गुसते मल हो'अदस। ऎन अदिन एंग्‍है मने तिम चि'अदन। एंगा अदिन चि'आ गे हूँ अदिया र'ई, अरा अदिन फिन हो'आ गे हूँ अदिया र'ई। एम्‍बस एंगन पॆसका लेक्‍खा ऎन एन्नेम नन्‍दन।”

यॊहनस 12:27

अक्‍कुन एंग्‍है जिया उकुल बुकुल मंजकी र'ई। ऎन एन्‍देर ब'ओन? बंगायो, ई सस्‍ती ही बेड़ा ती एंगन बछाब'आ ब'ओन का? मला, ऎन इदगेम ई बेड़ा गूटी बरचकादन।

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 15:9

एकन्ने बंगस एंगन चोन्‍हा नंजकादस, अन्नेम ऎन हूँ निमन चोन्‍हा नंजकादन। एंग्‍है चोन्‍हा नू बन्चका र'आ।

यॊहनस 18:11

ख़ने येसुस पतरसिन बाचस, “निंग्‍है तलवारन खाप नू उइय्या। एम्‍बस एंगा चिच्का सस्‍ती ही डुबहा ती एंगा ओन्ना दिम र'ई।”

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

फिलिप्‍पी 2:8

तान तंगन एन्ने कोड़हे लुदऊ कमचस अरा खे'अना गूटी धर्मेसिन पॆस्रस का तंगन क्रुस नू खे'आ गे हूँ चिच्चस।