3 ऎन असन कालरकी निमा गे ओन्टा अड्डा सपड़ारका ख़ॊख़ा, अउरिम बर'ओम ती नीम एंग्है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।
नॆ एंगन सुस्र'आ बेद्ददस आस एंग्है गने चॊंख़्रदस नेकअन, अरा एसन ऎन र'ओन असन एंग्है जॊंख़स हूँ र'ओस। नॆ एंगन सुस्र'अदस, आसिन एम्बस मईन ननोस।
ऎन निमन एन्ने ब'अना मेंजकर, ‘ऎन कालदन, अरा निम्है गुसन फेन बर'ओन।’ नीम एंगन चोन्हा नन्दर होले, नीम रिझ्र'ओर दने का ऎन बंगस गुसन किर्रदन कादन, एन्देरगेका बंगस एंगन ती कोहाँ र'अस।
ऎन एसन कालदन आ अड्डा काना ही डहरेन नीम अख़दर।”
अना बंगायो, ख़ॆख़ेल ही कम्रना ती मुन्द नीन एंगन चोन्हा नंजका ती नीन एंगा चिच्का एंग्है महबन ईर ऎरा बेद्दनर। औंगे नीन एंगा चिच्का आलर ऎन एक्सन र'अदन असन आर हूँ र'आ गे बेद्ददन।
अरा आर बाचर, “अना गलिलेया आलारो, नीम एन्देरगे इज्जनुम मेर्ख़ा तरा मॆन ऎरालदर? ई येसुस, नॆ निम्है गुसते मेर्ख़ा होतारस, एकासे नीम आसिन मेर्ख़ा काना ईरकादर, अन्नेम आस फिन बर'ओस।”
अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ मईन आबोन ख़क्ख'ऊ पुंजी हिकदत। नाम गा मसीस गने दुक्खे चॊददत होले मसीस गे ख़क्ख्रना आ मईन नू हूँ आसी गने र'ओत।
अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।
ऎम इदन गोहरारदम औंगे नम्है उर्बा येसुसी नामे निम्है नू महबा मनन नेकअन अरा नीम आसी नू महबा मन्दर नेकअन। ई महबा नम्है धर्मेस अरा उर्बस येसु मसीसी मया ती बर'ई।
नाम आसी चड्डे दुक्खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्है आलर मलदर ब'ओस।
अन्नेम मसीस हूँ बग्गे आलर ही पाप गुट्ठिन ओथ्र'आ गे ओंग्होन दाँड़े मन्तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्द्र'ओस बर'ओस।
एकासे ऎन जित्तचकन ती एम्बस गने आसी बॆल-गदिया नू उक्कन, अन्नेम नॆ जित'ओस आस गे ऎन एंग्है गने एंग्है बॆल-गदिया नू ओक्का गे अदिया चि'ओन।