यॊहनस 14:27 - पुना गच्छरना NT (BSI)

²⁷ ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 14:27 ပူးပေါင်းရင်းမြစ်များ

मत्तायोस 10:26

औंगे नीम आर गे आमा एल्‍चा। एन्‍देरगेका एन्ने एन्‍द्रा हूँ मल्‍ला कुलुरका का मल चलख़तार'ओ अरा एन्‍ने एन्‍द्रा हूँ मल्‍ला नूख़्रका का मल ऎरतार'ओ।

लू‍कस 1:79

ऊख़ा नू उज्‍जुरिन अरा खे'अना ही एलचना नू र'उरिन बिल्‍ली ऎद'आ गे अरा नम्‍है कोड़े ही डहरे नू ऎकत'आ गे आस बर'ओस।”

लू‍कस 10:5

एका एड़पा नू कोर'ओर मुन्‍द ब'आ का ‘ई एड़पा नू धर्मेसी सान्‍ति मनन नेक‍अन।’

लू‍कस 12:4

अना एंग्‍है संगीरो, ऎन निमन ब'अदन, नॆ मॆदन पिटनर लिकिन अदही ख़ॊख़ा नू एन्‍देर हूँ नना पोलनर आर ती अमा एल्‍चा।

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 14:1

येसुस तंग्‍है चेलारिन बाचस, “निम्‍‍है जिया उकुल बुकुल अम्‍बो मना। धर्मेस मइय्याँ पत्त'आ, एंग्‍है मइय्याँ हूँ पत्त'आ।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 20:19

अउलम हप्‍ता ही पहिल उल्‍ला बीड़ी पुतबारी, चेलर ख़ॊंड़रका रहचर। अरा यहूदी मुद्धर ही इल्‍चिक'आ ती आर बलिन मुच्‍चरर ती भितरी रहचर। येसुस बरचस ती आर ही मझी नू इज्‍जस, अरा चेलारिन बाचस, “निमा कोड़े मनन!”

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 20:26

आठ उल्‍ला ख़ॊख़ा येसुसी चेलर फेन आ एड़पा नू ख़ॊंड़रका रहचर, अरा तॊमस हूँ आर ही संगे रहचस। बली मुच्‍चका रहचा, अन्नु हूँ येसुस भितरी बरचस ती मझी नू इज्‍जस अरा बाचस, “निमा कोड़े मनन!”

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

त‍इरकर 18:9

ओन माख़ा उर्बस पौलुसिन देखार चिच्‍चस ती बाचस, “अमा एल्‍चा, तेंगतेम र'आ, कलेकले अमा र'आ।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 5:1

औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

रोमी 5:10

एन्‍देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्‍कुन नाम धर्मेस गने निभ्रकत ख़ने आस नमन तंग्‍दासी उज्‍जना ती दंडे ती नाड़ोस दिम।

रोमी 8:6

आलर ही मने पाप सुबहा ही तबे नू र'ई होले आर खे'अना तरा कानर। आलर ही मने बॊलतस ही तबे नू र'ई होले आर उज्‍जना अरा कोड़े तरा कानर।

1 कोरिन्‍थ 1:3

नम्‍है धर्मे बबस अरा उर्बस येसु मसीस ती निमा गे मया अरा कोड़े ख़क्ख्र'अन नेकअन।

गलातिया 1:3

नम्‍है धर्मे बंगस अरा उर्बस येसु मसीस निमा मया अरा कोड़े चि'अदस नेकअन।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

गलातिया 6:16

ई कत्‍था ही लेक्‍खा ईकू आलर नू अरा धर्मेसी आलर नू कोड़े अरा सोग्‍गे मनन नेक‍अन।

फिलिप्‍पी 4:7

होले उर्मी बुझुरना ती गेच्‍छा र'अना धर्मेसी सान्‍ति, निम्‍है जिया गुट्ठिन अरा निम्‍है सोचना गुट्ठिन नीम मसी येसुसी र'अना ती ख़ापो।

कोलोस्से 1:2

कोलोस्से नगरे नू मसीसी चड्डे नेम्‍हा अरा पत्त'अना जॊगे र'अना धर्मेसी आलर गे ई चिठिन लिखदम। नम्‍है धर्मे बंगस ती निमा गे मया अरा सान्‍ति मनन नेकअन।

कोलोस्से 1:20

अरा मसीस क्रुस नू बाहचका ख़ॆंस ती उर्मी आलॊ तंग्है गने सान्ति मना गे डहरे कमचस ती, ख़ॆख़ेल ता अरा मेर्ख़ा ता उर्मी आलॊन मसीस तिम तंग्‍है गने मेसाब'आ गे धर्मेस बिद्दियस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

2 थेस्‍सलोनिकॆयर 1:2

नम्है धर्मे बंगस अरा उर्बस येसु मसीस ती निमा मया अरा कोड़े ख़क्‍ख्र'अन नेकअन।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

2 तीमोथियुस 1:7

एन्‍देरगेका धर्मेस एल्‍चना चि'ऊ बॊलतन मला लिकिन सवंग अरा चोन्‍हा अरा कयास चि'ऊ नेम्‍हा बॊलतासिन चिच्कादस।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”