यॊहनस 14:17 - पुना गच्छरना NT (BSI)

¹⁷ आस दिम उर्मी मानिमन दहदर ननू नेम्‍हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्‍देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्‍देरगेका आस निम्‍है गने उज्‍जदस अरा निम्‍है नू र'ओस।

यॊहनस 14:17 ပူးပေါင်းရင်းမြစ်များ

मत्तायोस 10:20

एन्‍देरगेका ईद ब'ऊ नीम मलदर, निम्‍है बंगासी बॊलतस निम्‍है ती ब'ओस।

यॊहनस 14:16

अरा ऎन बंगस गुस्‍ते ने'ओन, अरा आस निमा अउर ओन्‍टा सालत'उसिन चि'ओस। आस सगरो निम्‍है गने र'ओस।

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 16:13

लिकिन मानिमन दहदर ननू नेम्‍हा बॊलतस बरदस ख़ने, आस निमन उर्मी मानिमन दहदर ननोस। आस गा तंग्‍है ती मल ब'ओस, लिकिन एकदन आस मेनोस अदिन दिम ब'ओस, अरा आस बरना कत्‍थन निमन तेंगोस चि'ओस।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

1 कोरिन्‍थ 14:15

औंगे ऎन एन्‍देर नन्‍ना चाड़ र'ई? ऎन बॊलता ती गोहरार'ओन, अरा मन ती हूँ गोहरार'ओन। ऎन बॊलता ती पाड़ोन, अरा मन ती हूँ पाड़ोन।

1 कोरिन्‍थ 2:14

नेम्‍हा बॊलतासिन मल ख़क्‍खका आलस धर्मेसी बॊलतस ती बरना मानिम कत्‍था गुट्ठिन मल इंझ्र'ओस, एन्‍देरगेका अबड़ा आसी ऎरना नू बयला कत्‍था हवे। अरा आस अबड़न मल बुझ्रदस, एन्‍देरगेका नेम्‍हा बॊलतस लेका आलर गे धर्मेसी कत्‍था गुट्ठिन बुझ्र'आ गे संगरा नना ओंग्दस।

1 कोरिन्‍थ 3:16

नीम धर्मेसी मन्‍दिर हिकदर, अरा धर्मेसी बॊलता निम्‍है नू मड़'ई, इदिन नीम बलदर का?

1 कोरिन्‍थ 6:19

नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।

2 कोरिन्‍थ 13:5

नीम निमन बिढ़'आ ती ऎरा का नीम पत्त'अना नू उज्‍जालदर का मला, नीम निमानिम जँच'आ। एन्‍देर नीम मल चिन्हदर का येसु मसीस निम्‍है नू र'अस? अन्ने नीम मल चिन्हदर होले, नीम जंचना नू हार मंजकर केरकर।

2 कोरिन्‍थ 6:16

धर्मेसी मन्दिर गे मूर्ति गुट्ठी गने एन्‍देर नता? नाम गा उज्‍जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

इफेसुस 2:22

अरा आसी नू नीम हूँ नेम्हा बॊलतस ती धर्मेसी ओक्करना अड्डा मना गे ओन संगे मेस्र'अरकी कम्रनुम कादर।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

2 तीमोथियुस 1:14

निंगा पत्त'अना ती चिच्का बॆस कत्‍थन नम्‍है म‍इय्याँ मड़चकी र'ऊ नेम्‍हा बॊलतासी सवंग ती बॆस ख़ापा।

1 यॊहन 2:27

लिकिन निमा गे नेम्हा बॊलतस ख़क्ख्रका र'अदस, आस निम्है नू र'अदस। औंगे एकअम आलर ही सिखाब'अना निमा गे चाड़ मलकी। निमा एन्द्रन अख़'आ गे चांड़ र'ई अबड़ा उर्मिन नेम्हा बॊलतस निमा गे सिखाब'अदस। आसी सिखाब'अना मानिम र'ई, ठकवा मल्ली। औंगे आसी सिखाब'अना लेक्खा नीम मसीस नू बन्चका र'आ।

1 यॊहन 3:24

एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

1 यॊहन 4:6

ऎम धर्मेसी हिकदम, अरा नॆ धर्मेसिन अख़दस आस एम्है कत्थन मेन्दस। अरा नॆ धर्मेसी मलदस आस एम्है कत्थन मेना मल बेद्ददस। नाम इत्रु तिम नॆ मानी ही बॊलतन ख़क्खकादर अरा नॆ बेहड़'अना ही बॊलतन ख़क्खकानर एन्ने लखदत हो'अदत।

1 यॊहन 5:7

औंगे नमा गे इबड़ा तिनियों गोवाह चि'ई।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।