यॊहनस 14:16 - पुना गच्छरना NT (BSI)

¹⁶ अरा ऎन बंगस गुस्‍ते ने'ओन, अरा आस निमा अउर ओन्‍टा सालत'उसिन चि'ओस। आस सगरो निम्‍है गने र'ओस।

यॊहनस 14:16 ပူးပေါင်းရင်းမြစ်များ

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

यॊहनस 14:14

नीम एंग्‍है ती एंग्‍है नामे ती इन्द्रिइम ने'अदर होले, अदिन ऎन निमा ननोन।

यॊहनस 14:18

ऎन निमन टुरा गुट्ठी लेक्‍खा मल अम्‍बोन, ऎन निम्‍है गुसन किर्रोन बर'ओन।

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 16:22

ई लेक्‍खम नीम हूँ अक्‍कु सस्‍ती सारदर, लिकिन ऎन निमन फेन ऎरोन, ख़ने नीम रिझ्र'ओर। निमन ती निम्‍है रिझ्रनन नॆ हूँ पोल्‍लोर बच्‍चा।

यॊहनस 17:15

ऎन आरिन ख़ॆख़ेल ती हो'आ कला गे मल गोहरारदन, लिकिन आरिन मलदौ नाद ती ख़ापा गे गोहरारदन।

यॊहनस 17:20

ऎन इबड़ा चेलर गे लेका मल गोहरारदन, लिकिन ईर तेंगना कत्‍था ती नॆ एंगन पत्त'ओर, आर गे हूँ गोहरारदन।

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 1:4

ओंग्‍होल येसुस आर गने मंडी ओनो बारी आरिन पॆसस का, “नीम येरुसलॆम नगरेन अमके अम्‍बा, लिकिन बंगासी गच्‍छरका ही पाब ऎरा, एकदा ही पत्त नू ऎन निमन मुन्‍द तिंकन।

त‍इरकर 13:52

अरा पत्त'ऊ आलर रिझ ती अरा नेम्‍हा बॊलतस नू निन्‍द्रका रहचर।

त‍इरकर 9:31

आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

फिलिप्‍पी 2:1

औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

1 यॊहन 2:27

लिकिन निमा गे नेम्हा बॊलतस ख़क्ख्रका र'अदस, आस निम्है नू र'अदस। औंगे एकअम आलर ही सिखाब'अना निमा गे चाड़ मलकी। निमा एन्द्रन अख़'आ गे चांड़ र'ई अबड़ा उर्मिन नेम्हा बॊलतस निमा गे सिखाब'अदस। आसी सिखाब'अना मानिम र'ई, ठकवा मल्ली। औंगे आसी सिखाब'अना लेक्खा नीम मसीस नू बन्चका र'आ।

2 यॊहन 1:2

नम्है नू र'अना आ मानी ही चड्डेम ऎम ई लेक्खम चोन्हा नन्दम। ई मानी नम्है गने हुल्लो गूटी बन्चका र'ओ।