यॊहनस 14:13 - पुना गच्छरना NT (BSI)

¹³ अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 14:13 ပူးပေါင်းရင်းမြစ်များ

मत्तायोस 21:22

अरा उर्मिन नीम पत्त'आनुम निम्‍है गोहरारना नू ने'ओर, अबड़ा उर्मी निमा ख़क्‍ख्र'ओ।”

मत्तायोस 7:7

धर्मेस ती ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

मरकुस 11:24

औंगेम ऎन निमन ब'अदन का नीम निम्‍है बिन्‍ती नू इन्द्रिइम ने'ओर होले, अदिन पत्त'आ का ऎम ख़क्‍खोम। होले धर्मेस अदन निमा गे ननोस।

लू‍कस 11:9

ख़ने ऎन निमन ब'अदन, धर्मेसिन ने'आ, होले निमा चीर'ओ, बेद्दा, होले निमा ख़क्ख्र'ओ, बलिन ठोकठोकमब'आ, होले धर्मेस ती निमा तिसगर'ओ।

यॊहनस 10:30

ऎन दरा बंगस ओन्‍टे दिम हिकदम।”

यॊहनस 12:44

तहाँ येसुस चिच्‍चियारस ती बाचस, “नॆ एंग्‍है मइय्याँ पत्त'अदस, आस एंग्‍है मइय्याँ लेका मला, एंगन तइय्युस मइय्याँ हूँ पत्त'अदस।

यॊहनस 13:31

यूदस केरका ख़ॊख़ा येसुस बाचस, “अक्‍कु मनवा ख़द्दन एंगा महबा दहदर मनी, अरा एंग्‍है ती धर्मेसी महबा दहदर मनी।

यॊहनस 14:14

नीम एंग्‍है ती एंग्‍है नामे ती इन्द्रिइम ने'अदर होले, अदिन ऎन निमा ननोन।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 16:23

अरा आउला नीम एंगन एन्‍द्रन हूँ मेना गे चाड़ मल र'ओ। ऎन निमन मानिम ब'अदन, एंग्‍है नामे ती नीम एन्‍द्र'आनिम बंगस गुस्‍ते ने'ओर, अदिन आस निमा गे चि'ओस।

यॊहनस 16:26

आ उल्ला नू नीम एंग्‍है नामे नू बंगासिन ने'ओर। औंगे ऎन निमा गे बंगस गुसन ने'आ गे चाड़ मल र'ओ।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

1 कोरिन्‍थ 14:13

ई चड्डेम एकास कैनो मदहे बलना भखा गुट्ठिन कछनख्रदस, आस अदही मनेन तेंगना ही सवंग ख़क्‍खा गे गोहरारदस नेकअन।

इफेसुस 2:18

औंगे आसी चड्डे नाम इरबत ओन्टा बॊलतस ती धर्मे बंगस मुन्दहारे बर'आ ओंग्दत।

इफेसुस 3:12

नाम मसीस नू र'अना ती अरा आसी मइय्याँ ता पत्त'अना ही चड्डे, नाम डिढ अरा बड़ियर असरा गने धर्मेसी छमहे नू बर'आ ओंग्दत।

इफेसुस 3:14

ऎन धर्मेसी लूरन अरा चिताबुतन सोचदन ख़ने, मेर्ख़ा अरा ख़ॆख़ेल नू र'ऊ उर्मी एड़पातारिन गढ़चका बंगासी मुन्दहारे मूकलिदिरदन।

फिलिप्‍पी 4:13

एंगा पया चि'ऊ मसीस ती ऎन उर्मिन नना ओंग्दन।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

इब्रानी 13:15

औंगे नाम येसुस ती धर्मेसी नामेन नम्‍है ब‍ई ती ब'अना ही ओहमा नन्ना ही दाँड़ेन धर्मेस गे सगरो नन्‍ते र'अदत नेक‍अन।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।

1 यॊहन 5:14

अरा धर्मेसी मुन्दहारे बर'आ गे नमा गे र'अना डिढ ईदिम र'ई का, नाम आसी मने लेक्खा इन्द्रिइम ने'अदत ख़ने, आस नम्है गोहरारनन मेन्दस।