यॊहनस 14:12 - पुना गच्छरना NT (BSI)

¹² ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

यॊहनस 14:12 ပူးပေါင်းရင်းမြစ်များ

मत्तायोस 21:21

ख़ने येसुस आरिन आनाकिर्ताचस, “मानिम ऎन निमन ब'अदन, नीम पत्त'ओर अरा मल धुकचुक्र'ओर होले, ई अंजीर मन्न गे मंजकी र'ई अदिन लेका मला, लिकिन ई परतन हूँ ब'आ ओंग्दर, ‘चड्र'अय ती कलय समुदर नू खत्र'अय’, अरा अन्नेम मनो।

मरकुस 11:13

आस गेच्‍छा ती ओन्‍टा झपूर्रा अंजीर मन्नन ऎररकी हेद्दे केरस का अइय्या ती ख़ंजपा इन्द्रिइम ख़क्‍खोस। लिकिन आस अतख़न अम्‍बरकी एन्‍द्रन हूँ मल ख़क्‍खियस, एन्‍देरगेका ईद अंजीर ही ख़ंजना ही बेड़ा मल रहचा।

मरकुस 16:17

अरा पत्त'उर गे इबड़ा चिन्‍हा मनो: आर एंग्‍है आकुस ती नादन ओथ्र'ओर, पुना पुना भखा कछनख्र'ओर।

यॊहनस 14:28

ऎन निमन एन्ने ब'अना मेंजकर, ‘ऎन कालदन, अरा निम्‍है गुसन फेन बर'ओन।’ नीम एंगन चोन्‍हा नन्‍दर होले, नीम रिझ्र'ओर दने का ऎन बंगस गुसन किर्रदन कादन, एन्‍देरगेका बंगस एंगन ती कोहाँ र'अस।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 4:37

इसन ई ब'अना ठौका जोक्‍खा उक्‍की, ‘ओर्त आलस चाँख़दस अरा नन्‍ना आलस ख़ोयदस।’

यॊहनस 5:20

एम्‍बस गा एंगन चोन्‍हा नन्‍दस, अरा आस एन्‍देर एन्‍देर नन्‍दस अबड़ा उर्मिन एंगा ऎद्ददस। आस इबड़ा ती अउर कोहाँ नलख गुट्ठिन हूँ एंगा ऎद'ओस। होले नीम अनचकर'ओर।

यॊहनस 7:33

येसुस बाचस, “ऎन जोक्‍क उल्‍ला लेका निम्‍है गने र'ओन, फेन एंग्‍है तइय्युस गुसन किर्रिम बि'ओन।

यॊहनस 7:39

तंग्‍है म‍इय्याँ पत्त'ऊ आलर ख़ॊख़ा ख़क्‍खना नेम्‍हा बॊलतासी पत्त नू गा येसुस एन्ने बाचस। अक्‍कु गूटी नेम्‍हा बॊलतस मल चीरकी रहचस, ईगेका येसुस अक्‍कु गूटी तंग्‍है महबा नू मल चॊदकाचस।

त‍इरकर 10:46

एन्‍देरगेका आर नन-यहूदीर नन्ना नन्ना भखा नू कछनख्रना अरा धर्मेसी ओहमा नन्नन मेना लगियर। ख़ने पतरस बाचस,

त‍इरकर 16:18

आद नगदे उल्‍ला गूटी एन्नेम नना लगिया। लिकिन पौलुस गोसा मंजस अरा किर्रे ईरियस ती आ बॊलतन बाचस, “ऎन निंगन येसु मसीसी सवंग ती आनदन, इदही म‍इय्याँ ती उरखय कलय।” अरा आ बॊलता आ बारिम आद ती उरखा केरा।

त‍इरकर 19:12

अरा पौलुस ब‍उराचका उरमाल अरा संफी गुट्ठिन रोगियर म‍इय्याँ नना चि'आ लगियर ख़ने, आर ही बेमार कोड़े मना काला लगिया, अरा मलदौ बॊलता गुट्ठी उरखा लगिया।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 4:16

अरा बाचर, “नाम ईर गने एकासे ननोत? येरुसलॆम ता र'ऊ उर्मी आलर गे इदही अरो मंजा केरा का ईर ओन्‍टा अजगुत नलख नंजकानर, इदिन नाम मला एकासे ब'ओत?

त‍इरकर 4:33

त‍इरकर कोहाँ सवंग गने आलारिन तम्‍है गोवाह आबोन तेंगा लगियर का उर्बा येसुस मानिम नू केचका ती उज्‍जा चॊचस। अरा अबड़ा ओर्मर म‍इय्याँ धर्मेसी कोड़हे मया रहचा।

त‍इरकर 4:4

लिकिन नॆ आर ही तेंगनन मेंजका रहचर, अत्रु ढ़ॆर आलर पत्ताचर। अक्‍कु मलागूटी मॆतर पाँच हजार पत्त'ऊ आलर मंजर केरर।

त‍इरकर 5:15

आलर रोगियारिन सड़क गुट्ठी नू हो'आ लगियर ती पिटरी नू खटी नू कीद'आ चि'आ लगियर का पतरस अन्नु कट्टोस होले आसी ऎख़ अबड़र ती जोक्‍कोर म‍इय्याँ मनो।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

त‍इरकर 8:7

नॆखा नॆखा नू मलदौ बॊलता गुट्ठी रस्‍सकीचा, अबड़ा आर ती जॊरसरिया चिच्चि‍यारनुम उरखा। अरा कैनो बग्‍गे लकवा बेमरहर अरा लेंगड़ा आलर कोड़े मंजर।

त‍इरकर 9:34

पतरस आसिन बाचस, “ऐनेयास, येसु मसीस निंगन कोड़े नन्‍दस, चो'आ ती निंग्‍है पिटरिन तेरमा।” लॆम आस चॊचस ती इज्‍जस।

त‍इरकर 9:40

पतरस ओर्मारिन बहरी त‍इय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्‍किया।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।