यॊहनस 14:10 - पुना गच्छरना NT (BSI)

¹⁰ एन्‍देर नीन मल पत्त'अदय का ऎन बंगस नू र'अदन अरा बंगस एंग्‍है नू र'अस? ऎन एकदन निमन ब'अदन आद एंग्‍है मल्‍ली, अबड़ा एम्‍बासी कत्‍था हवे। आस एंग्‍है नू र'अ‍स ती आसिम तंग्‍है नलखन नन्‍दस।

यॊहनस 14:10 ပူးပေါင်းရင်းမြစ်များ

यॊहनस 10:30

ऎन दरा बंगस ओन्‍टे दिम हिकदम।”

यॊहनस 10:38

लिकिन ऎन अदन नन्‍दन होले, नीम एंगन मल पत्त'अदर होले हूँ अजगुत नलखन पत्त'आ। ख़ने नीम अख़'ओर अरा बुझुर'ओर का बंगस एंग्‍है नू र'अस अरा ऎन बंगस नू र'अदन।”

यॊहनस 11:26

अरा नॆ उज्‍जा लगदस अरा एंग्‍है मइय्याँ पत्त'अदस, आस हुल्‍लो गूटी मल खे'ओस। मारथा, नीन इदिन पत्त'अदी का?”

यॊहनस 12:49

एन्‍देरगेका ऎन एंग्‍है तरती मल कछनख्रदन। लिकिन एंगन तइय्‍का बंगस दिम एंगन पॆसस, एन्‍देर एन्‍देर ब'अना र'ई अरा अदन एकासे नन्ना र'ई।

यॊहनस 14:11

ऎन बंगस नू र'अदन, अरा बंगस एंग्‍है नू र'अदस, एन्ने ऎन ब'अदन ख़ने, नीम अदिन पत्त'आ, मला होले ऎन नंजका अजगुत नलख चड्डे अदिन पत्त'आ।

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 14:24

अरा नॆ एंगन चोन्‍हा मल नन्‍दस, आस एंग्‍है सिखाब'अनन मल मन'ओस। अरा एका कत्‍था गुट्ठिन नीम मेन्‍दर, अबड़ा एंग्‍है कत्‍था मल्‍ली, अबड़ा एंगन त‍इय्‍का बंगासी हवे।

यॊहनस 17:8

एन्‍देरगेका नीन एंगा चिच्का कत्‍था गुट्ठिन ऎन आर गे चिच्‍कन, अरा आर अबड़न इंझ्रर। अरा ऎन निंग्‍है गुस्‍ते बरचकादन, एन्ने मानिम ती अक्‍खर ती नीनिम एंगन तइय्‍कय, एन्ने पत्त'अनर।

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

यॊहनस 5:17

लिकिन येसुस आरिन बाचस, “एम्‍बस इन्ना गूटी बिगर ख़न्न ऎख़्रका ती नलख नना लग‍दस, अरा ऎन हूँ नलख नना लगदन।”

यॊहनस 5:19

औंगे येसुस आरिन इदन फरीफरी तिंगियस, “ऎन निमन मानिम ब'अदन, ऎन धर्मेसी ख़द्दन एंग्‍है मने लेक्‍खा एन्‍द्रा हूँ नना पोलदन। एन्‍द्रन एम्‍बासी नन्नन ऎन ऎरदन अदिन लेका ऎन नन्‍दन। एन्‍द्रन एन्‍द्रन एम्‍बस नन्‍दस अदिन ऎन हूँ अन्नेम नन्‍दन।

यॊहनस 7:16

ख़ने येसुस आरिन आनाकिर्ताचस, “एंग्‍है सिखाब'अना एंग्‍है मल्‍ली, ईद एंगन त‍इय्‍का धर्मेस ती बर'ई।

यॊहनस 8:28

ख़ने येसुस आरिन बाचस, “एकाबारी नीम मनवा ख़द्द एंगन म‍इय्याँ अरगत'ओर, आ बारी अख़'ओर का ऎन आसिम हिकदन नॆ बर'ऊ रहचस। अरा ऎन ऎनिम एन्‍देर हूँ मल नन्‍दन, लिकिन एन्द्रन एम्‍बस एंगन सिखाबाचस, अदन दिम ऎन निमन ब'अदन एन्ने हूँ अख़'ओर।

यॊहनस 8:38

ऎन एम्‍बस गुसन रहचकन ख़ने, एन्‍दरन ऎन ईरकादन, अबड़न ऎन निमा तेंगदन। नीम निम्‍बस ती एन्‍दरन मेंजकादर अदिन नन्‍दर।”

यॊहनस 8:40

लिकिन नीम गा एंगन पिटा बेद्ददर, इगेका ऎन धर्मेस ती मेंजका मानिमन निमन तिंकादन। अब्राहमस इकला हूँ एन्ने नलख मल नंजस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

1 यॊहन 5:7

औंगे नमा गे इबड़ा तिनियों गोवाह चि'ई।